नेपालमा मानव बेचबिखनसम्बन्धी अपराधमा कर्मचारीकै मिलेमतो गम्भीर समस्याः अमेरिका

0
46

नेपालले मानव बेचबिखनविरुद्ध पछिल्ला समयमा गरेका प्रयास र प्राप्त सफलताको अमेरिकाले प्रशंसा गरेको छ।

तर, नेपालले हालसम्म गरेका प्रयास र हासिल सफलता मानव बेचबिखनको अन्त्यका लागि पर्याप्त भने नभएको बताएको छ।

‘नेपाल सरकारले मानव वेचविखनको अन्त्यका लागि आवश्यक न्यूनतम मापदण्ड हासिल गर्न सकेको छैन। विगत अवधिको तुलनामा सरकारले समग्रमा बढ्दो प्रयासहरु गरिरहेको हुँदा नेपाल दोस्रो तहमैं कायम रहेको छ,’ अमेरिकी विदेश मन्त्रालयको मानव वेचविखनसम्बन्धी यसवर्षको प्रतिवेदनमा उल्लेख गरेको छ। ‘यी प्रयत्नहरु भन्नाले विगतका वर्षहरुमा भन्दा बढि पुरुष पीडितहरुको पहिचान र मानव वेचविखनसम्बन्धी अपराधविरुद्ध कानुन लागु गर्नकै लागि एउटा छुट्टै ब्युरो गठन र त्यसका लागि फन्डिङकाे व्यवस्था समेत गर्नु हो।’

प्रतिवेदनका सन्दर्भमा, नेपालका लागि अमेरिकी राजदूत र्याण्डी बेरीले ‘बधाई र यो राम्रो काम जारी रहोस्, नेपाल’ भनी ट्विट गरेका छन्।

तर केहि मुख्य क्षेत्रमा भने सरकारले न्यूनतम मापदण्ड पुरा गरेको छैन।

‘सरकारका कानुनले जर्बजस्ती श्रम र यौन वेचविखनलाई अपराधीकरण गरेको छैन र विदेशमा ठूलो संख्यामा नेपाली पुरुषहरुको मानव वेचविखनसम्बन्धी अपराध भए पनि सरकारको प्रयत्नहरु भने बढि महिला पीडितहरुमा केन्द्रित रहेको पाइएको छ,’ प्रतिवेदनमा भनिएको छ।

मानव वेचविखनसम्बन्धी अपराधमा कर्मचारीहरुकै मिलेमतो एउटा गम्भीर समस्याका रुपमा रहेको उसले बताएको छ। त्यस्तो संलग्नतामा प्रत्यक्ष मिलेमतो वा लापरवाही गर्ने गरेको पाइएको छ।

विदेशमा पीडित भएका कामदारहरुलाई कर्मचारीहरुले पुलिसमा छानविनका लागि पठाउनुको साटो वैदेशिक रोजगार ऐन–२००७ अन्तर्गत मुद्दा दर्ता गर्न प्रोत्साहित गर्ने गरेको अमेरिकी प्रतिवेदनले भनेको छ।

नेपालको कूटनीतिक सम्बन्ध १७४ देशमा विस्तार

Previous articleह्यारी र मेगनको शाही उपाधि समाप्त
Next articleविधेयकको विरोधमा कांग्रेसको ज्ञापन पत्र