‘ए’ डिभिजन लिगमा जावलाखेलसँग एपीएफ स्तब्ध

0
36

कतार एयरबेज सहिद स्मारक ‘ए’ डिभिजन लिगमा जावलाखेल युथ क्लबसँग सशस्त्र प्रहरीको एपीएफ स्तब्ध भएको छ। दशरथ रगंशालामा बिहीबार भएको खेलमा जावलाखेलले एपीएफलाई १–० ले गोल अन्तरले पाखा लगाएको हो।

खेलको ५७ औं मिनेटमा टेकेन्द्र थापा रातो कार्ड पाएर मैदानबाट बाहिरिएपछि जावलाखेल १० खेलाडीमा सीमित भएको थियो।

खेलको दोस्रो हाफमा जावलाखेलका विदेशी खेलाडी फोडे फोफानाले गरेको गोल नै निर्णायक बन्यो। खेलको म्यान अफ दि म्याच समेत बनेका फोफानाले खेलको ७१ औं मिनेटमा गोल गरेका थिए। पहिलो हाफमा दुवै टोलीले गोल गर्ने सुन्दर मौका पाएपनि सदुपयोग गर्न सकेनन्।

जितसँगै जावलाखेल युथ क्लव पाँचौ स्थानमा उक्लिएको छ। ३ मा जित ३ मा बराबरी गरेको जावलाखेलले २ मा हार भोगेको छ।

सुरुवाती चरणमा सामान्य प्रदर्शन गरेको एपीएफले पछिल्लो समय लय समात्न नसक्दा रेलिगेसनको खतरामा पर्ने सम्भावना छ।

५ खेलमा हार भोगेको एपीएफले २ मा बराबरी गरेको छ भने १ खेलमा मात्र जित निकालेको छ।

लिगमा शुक्रबार उपाधि दाबेदार मानिएको मनाङ मस्र्याङदी क्लव र सरस्वती युथ क्लव तथा च्यासल युथ क्लव र ब्रिगेड ब्वाईज युथ क्लवबीच खेल हुनेछ।

चापागाईंलाई दाहाल यज्ञनिधि सम्मान प्रदान

Previous articleनाइजेरियन नागरिकले २० वर्षदेखि हवाईजहाजको आकारमा घर बनाउँदै
Next articleराष्ट्रियसभा निर्वाचनमा नेकपाका अछामी, दाहाल र इन्दीरा विजयी