सुशील कोइराला फाउन्डेसनको भवन शिलान्यास

0
55

विराटनगर, १६ माघ । सुशील कोइराला फाउन्डेसनको भवन शिलान्यास भएको छ । विराटनगर महानगरपालिका वडा नम्बर ८ बलुवाईमा भवनको शिलान्यास भएको हो ।

विराटनगर महानगरपालिकाले जग्गा उपलब्ध गराएपछि कांग्रेस केन्द्रीय सदस्य महेश आचार्यले विहीबार फाउन्डेसनको भवन शिलान्यास गरेका हुन् ।

आचार्यले विराटनगरमै जन्मिएका पूर्व प्रधानमन्त्री तथा कांग्रेस नेता सुशील कोइरालाको सादगीपूर्ण जीवनशैली सबैका लागि प्रेरणाको स्रोत भएको बताए । कोइरालाको सादा जीवनशैली अहिलेका नेतृत्वलाई पनि प्रेरणाको स्रोत भएको उनकाे भनाइ छ ।

कांग्रेस केन्द्रीय सदस्य अमृत अर्यालले संविधान जारी गराउन सुशील कोइरालाको ठूलो योगदान भएको बताए ।

विराटनगर महानगरपालिकाका मेयर भीम पराजुलीले सामाजिक काम गर्न अग्रसर भएको फाउन्डेसनलाई महानगरले भवन निर्माणका लागि जग्गा उपलब्ध गराएको बताए ।

फाउन्डेसनकी अध्यक्ष मृदुला कोइरालाले सुशील कोइरालाको जीवनशैली र उनको काम गर्ने तरिकाबारे कार्यक्रममा सहभागी भएका अतिथि तथा सहभागीलाई जानकारी गराएकी थिइन । फाउन्डेसनले समाजमा पिछडिएका र मूलधारमा ल्याउनु पर्नेहरुको हितमा काम गर्ने उनले बताइन् ।

फाउन्डेसनको कार्यसफलताका लागि प्रधानमन्त्री केपी ओली, नेकपा अध्यक्ष पुष्पकमल दाहाल, कांग्रेस महामन्त्री शशांक कोइराला, प्रदेश १ का मुख्यमन्त्री शेरधन राईलगायतले शुभकामना सन्देश पठाएको अध्यक्ष कोइरालाले जानकारी दिइन ।

फाउन्डेसन भवन निर्माणका लागि प्रदेश १ सरकारकाले ७५ लाख बजेट उपलब्ध गराएको छ । विराटनगर महानगरपालिकाले तीन कठ्ठा जग्गा उपलब्ध गराएको छ ।

The post सुशील कोइराला फाउन्डेसनको भवन शिलान्यास appeared first on Koshi Online.

खुशीको खबर: खुल्यो मलेशिया, नेपाली श्रमिक अब जान पाउने

Previous articleप्रधानसेनापति खुला दौड प्रतियोगिता फागुनमा
Next articleसर्वोच्चलाई टेरेन अख्तियारले, भ्रष्टाचार मुद्दाका फाइल पठाउन आलटाल