सशस्त्रमा डीआईजीहरुको सरुवा तथा पदस्थापन, नम्बर ३ बाहिनीमा ब्रम्हाचार्य, सचिवालयमा श्रेष्ठ

0
39

काठमाडौं । सशस्त्र प्रहरी बल प्रधान कार्यालयले चार जना नायव महानिरीक्षक (डीआईजी) को सरुवा गरेको छ भने पाँच जनाको पदस्थापन गरेको छ ।

सशस्त्र प्रहरी महानिरीक्षक शैलेन्द्र खनालले सोमबार डीआईजीहरुको सरुवा र पदस्थापन गरेका हुन् ।

नम्बर ३ बाहिनीका बाहिनीपति चीरञ्जीवी अधिकारीलाई प्रधान कार्यालय मानवस्रोत विभागमा सरुवा गरिएको छ भने उनको ठाउँमा कृष्णभक्त ब्रम्हाचार्यलाई पदस्थापन गरिएको छ ।

यसैगरी नम्बर ७ बाहिनीको बाहिनीपतिमा हरिशंकर बुढाथोकीलाई पदस्थापन गरिएको छ । सो बाहिनीका बाहिनीपति गोविन्द क्षेत्रीलाई राष्ट्रिय सशस्त्र प्रहरी बल प्रशिक्षण प्रतिस्थान सरुवा गरिएको छ ।

सशस्त्र प्रहरी महानिरीक्षकको सचिवालयमा प्रविणकुमार श्रेष्ठलाई लगिएको छ । अब उनैले सशस्त्र प्रहरी प्रवक्ताको जिम्मेवारी बहन गर्ने छन् ।

हालै बढुवा भएका बंशीराज दाहाललाई मानवस्रोत विभाग, ई. किशोर प्रधानलाई राष्ट्रिय सुरक्षा परिषदको सचिवालय र राजेन्द्र बस्नेतलाई एपीएफ कमान्ड तथा स्टाफ कलेजमा पदस्थापन गरिएको छ । नम्बर ४ बाहिनीको बाहिनीपतिको जिम्मेवारी कविन्द्रमान श्रेष्ठलाई दिइएको छ ।

The post सशस्त्रमा डीआईजीहरुको सरुवा तथा पदस्थापन, नम्बर ३ बाहिनीमा ब्रम्हाचार्य, सचिवालयमा श्रेष्ठ appeared first on Rajdhani Daily News.

गण्डकी प्रदेश सरकारको नीति तथा कार्यक्रम पारित

Previous articleगृहमन्त्री थापाका भाइलाई थुनामा राख्न उच्च अदालतको आदेश
Next articleफेरी सञ्चालन पछि भोजपुरको षडानन्द तराईसँग जोडियो