तनहूँ- मुग्लिन-आँबु खैरेनी सडक खण्डमा गएको पहिरोका कारण आजसम्म पनि यातायातमा समस्या परिरहेको छ। यो सडक खण्डको मस्याङ्दी जलविद्युत गृह नजिकै सडक भासिएपछि पहरो काटेर यातायात सुचारु गराउने प्रयास जारी छ ।
रातिको समय यातायात बन्द गरिएको र दिउँसो मात्र संचालन गर्दा सवारी साधन र यात्रुको चाप ह्वात्तै बढेको छ । यसैले अहिले पनि यो भासिएको सडकको दुबैतिर करिव २/२ किलोमिटर परसम्म सवारी साधनको लाइन छ ।
यो जाम खुल्न अझै केही समय लाग्ने नेपाल टेलिभिजनका कपिल भट्टराईले जानकारी दिनुभएको छ । लामो समयसम्मको जामले यात्रुहरु समस्यामा परेका छन ।
केही दिनअघि मात्र सो सडक भासिँदा १ जनाको मृत्यु भएको थियो ।।
https://ujyaalonepalnews.com/archives/21539
