चितवन । भरतपुर महानगर १६, को बरमपुर, सुन्दरचोकमा एक शिशु सालनालसहित फालिएको अवस्थामा भेटिएको छ ।
स्थानीय रमा पण्डितको घरको आडैमा रहेको खाली जग्गामा जन्मिने बित्तिकैको शिशु फालिएको अवस्थामा भेटिएको हो ।
आज बिहान ९ बजे पण्डितले घर सफाइ गर्ने बेला प्लास्टिकमा फोहोर जस्तो देखिएपछि फाल्न आउँदा मृत शिशु भेटिएको थियो ।
पण्डितले घर आडैमा कुकुरले कताबाट मासु ल्याएर फालेछ भनेर टिप्न जाँदा प्लास्टिकमा बेरिएको अवस्थामा सालनाल सहित रहेको शिशु भेटिएको बताइन् ।
भर्खरै घटना स्थलमा प्रहरी आइपुगेको छ । कसले शिशु फालेको भन्नेबारे जानकारी आइसकेको छैन ।
https://ujyaalonepalnews.com/archives/32213
