चितवन । चितवनको कालिका नगरपालिकाले निशुल्क लोकसेवा तयारी कक्षा संचालन गर्ने भएको छ । नायब सुब्बा, पाँचौ तह, प्राविधिक, अप्राविधिक पदको परिक्षा सम्बन्धी निशुल्क लोकसेवा तयारी कक्षा संचालन गर्ने नगरपालिकाले जनाएको छ ।
इच्छुक ब्यक्तिहरुले सूचना प्रकाशन भएको मितिले १० दिनभित्र अर्थात फागुन ३ गतेभित्र आफ्नो वडा कार्यलयबाट सिफारिससहित सहभागी हुन निवेदन दिन सक्ने नगरपालिकाका प्रमुख प्रशासकीय अधिकृत चुडामणी शर्मा पौडेलले बताए ।
नगरपालिकाभित्र स्थायीरुपमा बसोवास गरेका दलित, जनजाती, सिमान्तकृत, आर्थिक, सामाजिकरुपले बिपन्न तथा लोकसेवा पढन इच्छुक योग्यता पुगेका व्यक्तिलाई निशुल्क लोकसेवा तयारी कक्षा संचालन गर्ने पौडेल जानकारी दिए ।
