काठमाडौं । आज २०८१ वैशाख २५ गते, मे ७, २०२४ । नेपाल राष्ट्र बैंकले विभिन्न देशका मुद्राको विनिमय दर जारी गरेको छ । जसअनुसार अमेरिकी डलरको भाउ बढेको छ भने हङकङ डलर स्थिर रहेको छ ।

आज अमेरिकी डलर १ को खरिद दर १३३.२९ रुपियाँ र बिक्री दर १३३.८९ रुपियाँ तोकिएको छ । जुन हिजो खरिद १३३.१८ रुपियाँ र बिक्री १३३.७८ रुपियाँ थियो ।

त्यसैगरी अघिल्लो दिन हङकङ डलर १ को खरिद मूल्य १७.०५ रुपियाँ र बिक्री मूल्य १७.१३ रुपियाँ रहेकामा आज पनि सोही दर कायम गरिएको राष्ट्र बैंकले जनाएको छ ।

काठमाडौं । जनता समाजवादी पार्टी नेपाल (जसपा) नेपाल विभाजन भएसँगै सत्तारूढ राष्ट्रिय स्वतन्त्र पार्टी (रास्वपा) र नेपाल कम्युनिस्ट पार्टी (एकीकृत समाजवादी) समेत विभाजन हुने बताइएको छ ।

एकीकृत समाजवादीका अध्यक्ष माधवकुमार नेपाल र रास्वपा अध्यक्ष एवं उपप्रधान तथा गृहमन्त्री रवि लामिछानेले पार्टीलाई फुटबाट जोगाउन आन्तरिक छलफलाई तीव्रता दिएका छन् । सोमबार एकीकृत समाजवादीको काठमाडौंमा संसदीय दलको बैठक बस्यो । मंगलबार रास्वपाको संसदीय दलको बैठक बस्दै छ । दुवै दलले आफ्ना सांसदलाई पार्टीको नियन्त्रणमा राख्ने प्रयास जारी राखेका छन् ।

नेपाली कांग्रेसले वर्तमान गठबन्धन फुटाएर नयाँ गठबन्धन बनाउने र सरकार गठन गर्ने गृहकार्य थालेपछि सत्तारूढ दलहरू विभाजनको संघारमा पुगेका हुन् । जसपा नेपाल विभाजन भएपछि चिन्तित बनेका नेपाल र लामिछानेले आफ्नो पार्टीलाई फुटबाट जोगाउन सांसदहरूलाई नियन्त्रणमा राख्दै ‘दायाँबायाँ’ नगर्न कडा निर्देशनसमेत दिएका छन् ।

दुवै दलमा रहेका केही सांसद जसरी पनि मन्त्री हुनुपर्ने लबिङमा रहेको र जुनबेला पनि विभाजनतर्फ लाग्ने चर्चा राजनीतिक वृतमा भइरहेको छ । कांग्रेसले एमाले अध्यक्ष केपी शर्मा ओली र एकीकृत समाजवादीका अध्यक्ष माधवकुमार नेपाललाई प्रधानमन्त्री बनाउने प्रस्ताव गरिसकेको छ । कांग्रेस सभापति शेरबहादुर देउवाले नेपाललाई र अर्का नेता शेखर कोइराला समूहले ओलीलाई प्रधानमन्त्री बनाउन खोजेको बताइएको छ ।

प्रतिपक्षमा रहेको कांग्रेसले गठबन्धन फुटाउन खोजेको छ तर छुटाछुटै समूहबाट अगाडि बढ्न खोजेपछि असफल भएको छ । कांग्रेसको यो चाल बुझेका प्रधानमन्त्री पुष्पकमल दाहाल ‘प्रचण्ड’ र एमाले अध्यक्ष ओलीले वर्तमान गठबन्धन छोड्ने भएपछि उपेन्द्र यादव नेतृत्वको जसपा नेपाल विभाजन गराएको कतिपयको विश्लेषण रहेको छ ।

नयाँ बानेश्वरस्थित एकीकृत समाजवादीको संसदीय दलको कार्यालयमा बसेको बैठकमा अध्यक्ष नेपालले जसपा नेपाल विभाजनपछि विकसित घटनाक्रम’bout सांसदहरूलाई जानकारी गराए । सत्ता गठबन्धनमा असन्तुष्टि देखिरहँदा आइतबार एकाएक जसपा फुटेपछि एकीकृत समाजवादी त्रासमा छ ।

संसदीय दलको बैठकको बीचैमा बाहिरिएका उपाध्यक्ष डा. बेदुराम भुसालले भने पार्टीमा कुनै पनि विवाद नभएको जिकिर गरेका छन् । ‘हामीभित्र कुनै विवाद छैन । अनावश्यक हल्ला हो,’ उनले भने, ‘बाहिर अनावश्यक हल्ला चलाएका छन् । कसले चलाएको हो थाहा छैन ?’

भुसालले आइतबार विभाजन भएको जसपा विभाजनले कुन रूप लिन्छ भन्नेमा सामान्य छलफल भएको बताए । ‘भर्खर निवेदन दर्ता मात्र भएको छ । कुन ऐनअन्तर्गत जाने हो कुनै टुंगो छैन । नियमावली हुन्छ कि हुँदैन, निर्वाचन आयोगले बोलेको छैन । अदालतमा प्रवेश गर्ला’ भुसालले भने । अरूको पार्टी जे भए पनि एकीकृत समाजवादी भने कुनै पनि हालतमा नफुट्ने उनको जिकिर छ ।

यता एकीकृत समाजवादीका सम्मानित नेता झलनाथ खनाललाई अर्थमन्त्री वर्षमान पुनले भेटेका छन् । खनाल र पुनको भेटघाटलाई धेरैले चासोका साथ हेरेका छन् । जसपा विभाजनसँगै भएको यो भेटले फुटलाई बढावा दिने हो कि भन्ने आशंका पनि व्यक्त गरेका छन् । यसैबीच, एकीकृत समाजवादीको केन्द्रीय समितिको बैठक ३१ वैशाख काठमाडौंमा बस्ने भएको छ ।

यसअघि २८ वैशाखमा बैठक बस्ने भनिएको थियो । पार्टी महासचिव घनश्याम भुसालले आन्तरिक तयारी नपुगेकाले बैठक सारिएको जानकारी दिए । दुई दिनसम्म चल्ने बैठकमा आसन्न महाधिवेशनमा प्रस्तुत हुने पार्टीको वैचारिक दृष्टिकोण, जनवर्गीय संगठनका कार्यप्रगति, समसामयिक राजनीतिक अवस्था, नवीकरण गरिएका संगठित सदस्यको अनुमोदनलगायत विषयमा छलफल केन्द्रित रहने महासचिव भुसालले बताए ।

सोही बैठकबाट देशभर पार्टी संगठनको अवस्था, आन्तरिक विवाद, समसामयिक परिस्थिति’bout छलफलका साथै प्रदेश, क्षेत्र र भूगोलको सन्तुलन मिलाएर आवश्यक स्थानमा नेताको जिम्मेवारी बाँडफाँट गरिने पनि बताइएको छ । बैठकमा आगामी असारमा हुने राष्ट्रिय महाधिवेशनका लागि प्रतिनिधि छनोटका मापदण्ड तय गर्ने र संगठन विस्तार तथा पार्टी आधारभूत तहसम्म स्थापित गर्न आवश्यक कार्ययोजना’bout छलफल गरिनेछ ।

बैठकमा पार्टी अध्यक्ष नेपालले समसामयिक राजनीतिक प्रतिवेदन तथा महासचिव भुसालले प्रस्तुत गर्ने सांगठनिक प्रतिवेदनमा समेत छलफल हुनेछ । पार्टीले आगामी १६ देखि २० असारमा काठमाडौंमा १०औं महाधिवेशन गर्न लागेको छ ।

उता, रास्वपाले मंगलबार संसदीय दलको बैठक बोलाएको छ । आसन्न संसद् बजेट अधिवेशन, सरकारका काम कारबाही, हालै सम्पन्न उपनिर्वाचन र समसामयिक घटनाक्रम’bout छलफल हुने बताइएको छ ।

क्रिकेटर सन्दीप लामिछानेको मुद्दा आइतबार ‘हेर्न नमिल्ने’ सूचीमा परेपछि गायिका रचना रिमालले असन्तुष्टि पोखेकी छन्।

रिमालले सामाजिक सञ्जालमा लेख्दै सन्दीपलाई कि सजाय देऊ, कि विश्वकप खेल्न देऊ भन्दै आक्रोश पोखेकी छिन्।

उनले लेखेकी छिन्, ‘दोषी भए कानुन अनुसार सजाय देऊ, निर्दोष भए विश्वकप खेल्न देऊ।’

आइतबार सन्दीपको मुद्दाको पेसी पाटन उच्च अदालतका मुख्य न्यायाधीश नृपध्वज निरौला र न्यायाधीश दुर्गाप्रसाद ढुङ्गेलको इजलासमा परेको थियो।

यसअघि पहिलो सुनवाइमा मुख्य न्यायाधीश निरौलाले नै झझी (झगडिया झिकाउने) आदेश दिएका थिए। सामान्यतया यसअघि आदेश दिइसकेको न्यायाधीशले स्वार्थ बाझिने भन्दै मुद्दाको सुनुवाइ नगर्ने अभ्यास छ।

रिमाल नेपाली क्रिकेट प्रतियोगिताहरूमा सधैं सहभागी भइरहेकी हुन्छिन्। टीयु र मुलपानीमा हुने प्रतियोगिताहरूमा प्रायः उनी दर्शकका रूपमा सहभागी हुने गर्छिन्।

उज्यालो नेपाल- पुर्विचितवनमा २७ जना कृषकलाई च्याउखेती प्रविधि तालिम सुरु गरिएको छ। समुदाय, वन्यजन्तु र जलवायुको क्षेत्रमा कामगर्दै आएको गैरसरकारी संस्था सहमतिले जीविकोपार्जन कार्यक्रम अन्तर्गत कृषकहरुलाई च्याउखेती प्रविधि तालिम सुरू गरेको हो ।

विहीबारबाट कालिका ७ को उदयपुर सामिदायिक वनको सभाहलमा सुरू गरिएको तिनदिने तालिममा पुर्विचितवनका चारवटा सामुदायिक वनका २७ जना उपभोक्ताको सहभागिता छ ।

तालिमामा उदयपुर सामुदायिक वन, भिमवली सामुदायिक वन, चतुर्मुखी सामुदायिक वन र कालीखोला देउराली सामुदायिक वनका उपभोक्ताहरु सहभागी छन् ।

तालिमको विहिबार एक औपचारिक कार्यक्रमका बीच कालिका वडा नं. ७ कि कार्यबाहक वडाध्यक्ष सर्मिला अधिकारीले उद्घाटन गरिन् । कार्यक्रममा संक्षिप्त मन्तव्य राख्दै अधिकारीले यस्ता कार्यक्रमले जीविकोपार्जनमा सहयोग पुग्ने भन्दै आयोजक संस्था प्रति धन्यवाद व्यक्त गरिन् ।

कार्यक्रममा अर्का अतिथि चतुर्मुखी सामुदायिक वनका अध्यक्ष हरिकुमार गुरुङले तालिममा सिकाएका कुरा मेहेनत गरेर सिक्न र सिकेका कुरालाई पेशाका रपमा अगाल्न आग्रह गरे ।

त्यस्तै पन्चकन्या सामुदायिक वनका अध्यक्ष तथा सामुदायिक वन उपभोक्ता महासंघ चितवन जिल्ला उपाध्यक्ष कृष्ण बगालेले गरिव, उत्पीडित तथा सिमान्तकृत वर्गको उत्थानको लागी सहमतीले पुर्याएको योगदानको मुक्तकण्ठले प्रशंसा गरे ।

त्यस्तै कार्यक्रमका सभापती समेत रहेका उदयपुर सामुदायिक वनका अध्यक्ष शंकर लामाले तालिमबाट सहभागीहरुको आयआर्जनमा टेवा पुग्ने विश्वास व्यक्त गरे । सहभागीहरुलाई लामाले, ” व्यवसायिक कृषक बनेर, भविष्यमा अरुलाई सहयोग गर्न सक्ने गरि काम गर्न” आग्रह गरे ।

तालिमका सहभागीहरुलाई नेपाल कृषि अनुसन्धान परिषद्का वरिष्ठ वैज्ञानिक डा. सुवास सुवेदीले प्रशिक्षण दिनेछन् । तालिममा विभिन्न जातका च्याउखेती, तिनमा देखिने समस्या र समाधानका विषयमा सेसन संचालन हुनेछ ।

डब्लुडब्लुएफ नेपालसँगको सहकार्यमा नवलपरासी र चितवनको विभिन्न क्षेत्रमा समुदाय, वन्यजन्तु र जलवायुको क्षेत्रमा कार्यक्रम संचालन गर्दै आईरहेको सहमतीले जीविकोपार्जन कार्यक्रम अन्तर्गत विभिन्न कार्यक्रम गर्दै आईरहेको छ ।

संस्थाले यसअघि बेमौसमी तरकारी खेती, माछापालन, मौरीपालन, लगायतका विषयमा तालिम संचालन गरि सहभागीहरुलाई सम्बन्धित सामाग्री समेत हस्तानान्तरण गरेको छ । संस्थाले हालै रत्ननगर र कालिकामा रहेका विभिन्न चार वटा सामुदायिक वनमा आवद्ध कृषकहरुलाई सेरेना र मेनिफेरा जातका ५६  घार मौरी वितरण गरेको सहमतीका चितवन जिल्ला सामाजिक सहजकर्ता जनक सुवेदीले जानकारी दिए । ।

उज्यालो नेपाल। चितवनको रत्ननगरमा मोटरसाइकल अनियन्त्रित भई घरमा ठोक्किँदा दुई युवाको ज्यान गएको छ।

गएराति (बुधवार) राति ११ः५५ बजेको समयमा रत्ननगर–४ वडा कार्यालय नजिक भित्री सडकमा ना २२ प ३४४४ नम्बरको मोटरसाइकल अनियन्त्रित भई स्थानीय सुमन गदालको घरको भित्तामा ठोक्किँदा मोटरसाइकलमा सवार दुईजनाको मृत्यु भएको चितवन प्रहरीले जानकारी दिएको छ।

मृत्यु हुनेमा रत्ननगर–३ बन्सी बस्ने वर्ष २२ का जीवन चौधरी र सोहि ठाउँका १८ वर्षीय सुमित महतो रहेका छन्।

घरको भित्तामा ठोक्किएर गम्भीर घाइते भएका मोटरसाइकल चालक जीवन र मोटरसाइकलको पछाडि बसेका सुमितको गएराति १२ः५५ बजेको समयमा भरतपुर अस्पतालमा उपचारको क्रममा मृत्यु भएको चितवन प्रहरीका प्रवक्ता श्रीराम भण्डारीले जानकारी दिए।

मृतक दुवै जनाको शव भरतपुर अस्पतालको शवगृहमा राखिएको छ। मोटरसाइकल ठोक्किएर घरको भित्तामा समेत क्षति पुगेको भण्डारीले बताए। घटनाको विषयमा इलाका प्रहरी कार्यालय टाँडीले थप अनुसन्धान गरिरहेको छ।

उज्यालो नेपाल। चितवनमा मकैको ढोड काट्ने मेसिनमा च्यापिएर एकजना घाइते भएका छन्।

रत्ननगर नगरपालिका वडा नं. १६ दोबाटो बजार नजीकै मकैको ढोड काट्ने क्रममा मेसिनमा च्यापिएर बुधबार सोही स्थानका ३५ वर्षीय हरि अधिकारी घाइते भएका हुन्।

प्रहरीले दिएको जानकारी अनुसार घाइते अधिकारीको अवस्था गम्भीर छ। उनको कम्मर मुनिको भागमा गम्भीर चोट लागेको छ।

उनलाई उपचारको लागि भरतपुरको एलाईभ अस्पतालमा लगिएको छ। अधिकारी दोबाटो टोलका रामकुमार श्रेष्ठको जग्गामा कमल थापाले लगाएको मकैको ढोड काट्न गएका थिए।

साइलेज बनाउनको लागी ढोड टुक्राउने क्रममा उनी मधेश प्रदेश–०३–००१ त ८१०८ नम्बरको ट्याक्टरमा जडित घाँस काट्ने हार्वेस्टर मेसिनमा अड्किन पुगेका थिए।

ट्याक्टर र चालक प्रहरीको नियन्त्रणमा रहेको जिल्ला प्रहरी कार्यालय चितवनले जानकारी दिएको छ।

रत्ननगर, वैशाख १९ । साना निर्माण व्यवसायी संघ जिल्ला समन्वय समिति चितवनले “विश्वका मजदुर एक हौं” “मजदुरको पसिनाको मुल्यको सम्मान गरौं” भन्ने नाराका साथ १३५औं अन्तराष्ट्रिय श्रमिक दिवस मनाएको छ ।

व्यवसायी संघले रत्ननगर नगरपालिकामा एक कार्यक्रमको अयोजना गर्दै बुधवार दिवस मनाएको हो ।

उक्त कार्यक्रममा बोल्दै रत्ननगरका नगर उपप्रमुख यादव प्रसाद पाठकले सर्वप्रथम आफुले गरिरहेको पेशा प्रति आफुले सम्मान गर्नुपर्ने बताएकाछन् । आफुले गरिरहेको कामको बारेमा खुलेर भन्न र गर्वका साथ गर्न सबै भन्दा पहिला आफुमा आत्मसम्मान हुन जरुरी रहेको उपप्रमुख पाठकको भनाईछ ।

उनले भने, “निर्माण कम्पनीमा काम गर्ने लेबरलाई हप्काएर काम लगाउने गरेको पाईन्छ, उनीहरुलाई पनि सम्मान गर्नुपर्छ, काम सानो, ठूलो हुदैन, सबैको पेशा प्रति सम्मान गर्नुपर्छ ।”

कार्यक्रममा जीवन थापा लामा, श्याम कृष्ण श्रेष्ठ, मानवहादुर शाही ठकुरी सहित तीन जना निर्माण मजदुरहरुलाई नगद सहित सम्मान गरिएको थियो ।

साना निर्माण व्यवसायी संघ जिल्ला समन्वय समिति चितवनका अध्यक्ष केदारनाथ अधिकारीको अध्यक्षतामा सम्पन्न भएको कार्यक्रममा पूर्वी चितवन पत्रकार मञ्चका अध्यक्ष होमनाथ सापकोटा, निर्माण व्यवसायी संघ चितवनका वरिष्ठ सल्लाहकार प्रलाद ठाकुर, साना निर्माण व्यवसायी संघ जिल्ला समन्वय समिति चितवन उपाध्यक्ष मदन पासवान, पूर्वी चितवन भवन निर्माण व्यवसायी
संघका अध्यक्ष याम बहादुर श्रेष्ठ, सदस्य ओम प्रकाश रेग्मी, चितवन स्वरोजगारका अध्यक्ष कृष्ण वहादुर श्रेष्ठ लगाएतले मन्तव्य राखेका थिए ।

महासचिव पूर्ण वहादुर राईले सञ्चालन गरेको कार्यक्रममा साना निर्माण व्यवसायी संघ जिल्ला समन्वय समिति चितवनका निवर्तमान अध्यक्ष उत्तम घिमिरेले स्वागत मन्तव्य राखेका थिए ।

रत्ननगर । रत्ननगर जेसीजले आयोजना गरेको जेसीज सप्ताह २०८० बुधबार उद्घाटन गरिएको छ ।

जेसीज सप्ताहको उद्घाटन तथा रत्ननगर जेसीज र पूर्वी चितवन पत्रकार मञ्च बीच मैत्रीपूर्ण फुटबल आयोजना गरिएको थियो ।

जेसीज सप्ताहको रत्ननगरका मेयर प्रलाद सापकोटाले उद्घाटन गरेका थिए । जेसीज सप्ताह उद्घाटन लगतै नेपाल माविको खेलमैदानमा आयोजित मैत्रीपूर्ण फुटबलमा पूर्वी चितवन पत्रकार मञ्च विजयी भएको छ ।

पूर्वी चितवन पत्रकार मञ्चले रत्ननगर जेसीजलाई ३–४ गोल अन्तरलेपछि पार्दै विजयी हासिल गरेको हो । मञ्चको तर्फबाट राजनदिल गुरुङले दुईगोल, केदार शर्मा र विलबहादुर अधिकारी एक एक गोल गरेका थिए ।

रत्ननगर जेसीजको तर्फबाट जेसीजबाट सुरेशजंग पाण्डे दुईगोल र रामप्रसाद शर्मा एक गोल गरेको भएपनि त्यो जीतका लागि प्रयाप्त हुन सकेन । कार्यक्रमका प्रमुख अतिथि मेयर सापकोटाले रत्ननगर जेसीजले गरेको सामाजिक कामको प्रशंसा गर्दै सप्ताहमा जेसीजले आयोजना गरेको आर्थिक विकासको सम्भावना सम्बन्धी कार्यक्रम फलदायी हुनेमा विश्वास व्यक्त गरे ।

खेलकुदको माध्यमबाट पर्यटन विकासको योजना अघि सारिएको भन्दै मेयर सापकोटाले त्यसका लागि पूर्वाधार निर्माणलाई जोड दिएको बताए । सेन्ट्रल कलेजका सञ्चालक यज्ञविलास पौडेलले सेन्ट्रल कलेज सामाजिक उत्तरदायित्व बहन गर्दै सामाजमा सकरात्मक प्रभाव पर्ने कामहरु गर्दै आएको बताए ।

रत्ननगर जेसीजका अध्यक्ष नरहरि पुरीको अध्यक्षतामा भएको कार्यक्रममा वडा नं २ का वडाध्यक्ष राजेन्द्र प्रसाद घिमिरे, रत्ननगर जेसीजका पूर्व अध्यक्ष सुन्दरलाल श्रेष्ठ, नेपाल माविका प्रध्यानाध्यापक रामहरि भण्डारी लगायतले मन्तव्य राखेका थिए ।

खेल संयोजक सुरेशजंग पाण्डेले सञ्चालन गरेको कार्यक्रम सप्ताहका संयोजक रामप्रसाद पाण्डेले स्वागत मन्तव्य राखेका थिए ।

जेसीज सप्ताह अन्तर्गत वैशाख २० गते नेतृत्व विकास तालिम, २१ गते मानसिक स्वास्थ्य शिविर, २२ गते रत्नविज समिट, २३ गते वृक्षरोपण, २४ गते लागूऔषध दुव्यर्सनसम्बन्धी सचेतना, २५ गते अन्तरमावि वक्तृत्वकला र सोही दिन जेसीज सप्ताह समापन तथा रजत जयन्ती समारोह हुने छ ।

जेसीज सप्ताह जिल्लाको आर्थिक विकासको खोजी गर्दै सामाजिक काम गरेर मनाउन थालिएको भन्दै अध्यक्ष पुरीले समाजले युवाहरुको भूमिका खोजिरहेको बेला युवाहरुलाई समाजमा जोड्ने गरी कार्यक्रम तय गरिएको बताए ।

इलाम । प्रतिनिधिसभा इलाम क्षेत्र नं २ मा इलाम–२ मा सम्पन्न उपनिर्वाचनमा १६ जना उम्मेदवारको जमानत जफत भएको छ । आज बिहान निर्वाचन आयोगले सार्वजनिक गरेको अन्तिम मतपरिणामअनुसार राष्ट्रिय स्वतन्त्र पार्टी (रास्वपा)का मिलन लिम्बूसहित १६ उम्मेदवारको जमानत जफत भएको हो ।

निर्वाचनमा सदर मत ६८ हजार चार सय ७२ को १० प्रतिशत छ हजार आठ सय ४७ भन्दा कम सदर मत पाएका १० राजनीतिक दलका र छ स्वतन्त्र उम्मेदवारको जमान जफत भएको हो । चौथो स्थानमा रहेका रास्वपाका लिम्बूले पाँच हजार ५० मतमात्र पाउनुभएको थियो ।

जमानत जफत हुनेमा राष्ट्रिय प्रजातन्त्र पार्टीका लक्ष्मी गुरुङ, नेपाल कम्युनिष्ट पार्टी (एकीकृत समाजवादी)का जितबहादुर राई, जनमत पार्टीका प्रेमकुमार थाम्सुहाङ, नेपाल मजदुर किसान पार्टीका श्यामबहादुर दर्जी, मङ्गोल नेशनल अर्गनाइजेशनका मनिबहादुर लिम्बू, नेशनल रिपब्लिक नेपालका धनराज रानामगर, राष्ट्रिय मुक्ति आन्दोलन नेपालका जयन्त्रविक्रम शाह, राप्रपा नेपालका गणेशबहादुर चौहान र नेपाली जनता दलका रेशमबहादुर सुनार नेपाली छन्। यसैगरी, स्वतन्त्र उम्मेदवार डाकप्रसाद गौतम, मनोज निरौला, अर्जुनकुमार शाही, दीपेश बोहोरा, योगेन्द्र गुरुङ र राज बस्यालको जमानत जफत भएको हो ।

प्रतिनिधिसभा सदस्य निर्वाचन ऐन, २०७४ को दफा ७१ मा “निर्वाचन प्रणालीअन्तर्गतको कुनै निर्वाचनमा मतदान गरिएको जम्मा सदर मतको दश प्रतिशतभन्दा कम सदर मत पाउने उम्मेदवारको धरौटी जफत हुनेछ”, भनिएको छ ।