रोल्पा । कामका लागि विद्यालय छोडेर बाल श्रममा परेका र पर्न सक्ने बालबालिकाका परिवारकालाई आम्दानी अभिवृद्धिका लागि बंगुर वितरण गरिएको छ । त्रिवेणी गाउँपालिकामा बालश्रम निवारणमा कार्यरत संस्था मानवअधिकार सचेतन केन्द्र (हुरेक) नेपालले विपन्न परिवारका लागि तीन/ तीन वटा बंगुरका पाठापाठी वितरण गरेको हो ।
त्रिवेणी गाउँपालिकाको समन्वयमा सेभ द चिल्ड्रेनको सहयोगमा संचालन गरिएको एकीकृत परियोजना अन्तरगत अति जोखिममा परेका विपन्न परिवारको आर्थिक अवस्थामा सुधार ल्याउनका लागि बंगुर वितरण गरिएको हुरेकले जनाएको छ । विभिन्न वडाहरुमा रहेका ८ घरपरिवारलाई एक कार्यक्रमबीच २४ वटा बंगुरका पाठापाठी वितरण गरिएको हुरेकका जीविकोपार्जन अधिकृत डा. विजय तिवारीले जानकारी दिनुभएको छ ।
त्रिवेणी गाउँपालिका पशु विकास शाखा प्रमुख मन्जु वलीले बंगुर पालनका फाइदा तरिकाका बारेमा कृषकहरुलाई जानकारी गराउनुभएको थियो । ती विपन्न परिवारका लागि बंगुरको खोर निर्माण लागि हुरेक नेपालले आर्थिक तथा प्राविधिक सहयोग समेत उपलब्ध गराएको छ ।
The post विपन्न परिवारका लागि बंगुर वितरण appeared first on Rajdhani Daily News.
