जनयुद्ध दिवसको अवसरमा धनुषाको सहिदनगर नगरपालिकाले बिहीबार सार्वजनिक विदा घोषणा गरेको छ।
भोली फागुन १ गते पर्ने तत्कालिन नेकपा माओवादीको १० वर्षे जनयुद्ध दिवसको अवसरमा सहिदनगर नगरपालिकाले विदा घोषणा गरेको हो। माघ २७ गतेको नगरपालिकाको निर्णयले फागुन १ गते विदा दिएको बुधबार एक सूचना प्रकाशित गर्दै नगरपालिका कार्यालयले जानकारी गराएको छ।
‘महान जनयुद्ध दिवस २०७६ को अवसरमा फागुन १ गते यस नगरपालिकाको कार्यालय र अन्तर्गतका कार्यालयहरुमा सार्वजनिक विदा गरिएको ब्यहोरा सबैमा जानकारी गराइन्छ’ निमित प्रमुख प्रशासकीय अधिकृत नन्दकुमार झाले जारी गरेको सूचनामा उल्लेख छ।
साथै नगरपालिकाले जनयुद्ध दिवसको अवसरमा सबैमा शुभकामाना समेत दिएको छ ।
