स्वयम्भूमा बा ३ ख ५१३४ नम्बरको ट्याङकरले प्रदेश ३-०२००४ प ११५१ नम्बरको मोटरसाइकललाई ठक्कर दिँदा एक जनाको मृत्यु भएको छ।
ज्यान गुमाउनेमा काठमाडौँको चन्द्रागिरी नगरपालिका ३ का साइरस गिरी रहेका प्रहरीले जनाएको छ।
शुक्रबार राति स्वयम्भूस्थित भगवान पाउमा भएको दुर्घटनामा गम्भीर घाइते भएका गिरीको उपचारको क्रममा त्रिवि शिक्षण अस्पताल महाराजगन्जमा मृत्यु भएको प्रहरीले जनाएको छ।
दुर्घटनामा अर्का एक जना घाइते भएका छन्। घाइते हुनेमा काभ्रेको भुम्लु गाउँपालिका निवासी प्रज्वल ठकुरी रहेका प्रहरीले जनाएको छ।
उनी मोटरसाइकलको पछाडि सवार थिए। उनको ग्राण्डी अस्पताल धापासीमा उपचार भइरहेको छ।
दुर्घटनापछि दुबै सवारी साधन प्रहरी नियन्त्रणमा छन्।
बाराको सिमरामा जिल्लाकै पहिलो सामुदायिक मन्टेश्वरी : ‘दंग अभिभावक, भरिभराउ बिद्याथी’
