फिफा विश्वकप छनोट तथा एसियन कप छनोट अन्तर्गत अष्ट्रेलियासँगको खेलका लागि राष्ट्रिय टोलीको बन्द प्रशिक्षण फागुन तेस्रो साताबाट हुने भएको छ।
अखिल नेपाल फुटबल संघ एन्फाले मोफसलका प्रतियोगिताका कारण खेलाडी व्यस्त हुने भन्दै टोलीको प्रशिक्षण फागुन १८ बाट गर्ने जनाएको हो।
छनोट खेलका लागि एन्फाले शनिबार ३१ सदस्यीय प्रारम्भिक टोलीको घोषणा गरेको थियो। मुख्य प्रशिक्षक योहान कालिनले घोषणा गरेको टोलीमा मिडफिल्डर दर्शन गुरुङ, एरिक विष्ट, पुजन उपरकोटी तथा डिफेन्डर दिलेन मोक्तान टोलीमा समेटिएका छन्।
अमित तामाङले पुनरागमन गर्दा जर्जप्रिन्स कार्की प्रारम्भिक अटाएका छन्। निलम्बनपछि फुकुवा भएका अन्जन बिष्टले टोलीमा स्थान बनाउदा विमल घर्तिमगर, सन्तोष तामाङ र दिनेश राजवंशी भने बाहिर छन्।
नेपालले चैत्र १३ गते चाइनिज ताइपेई र चैत्र १८ गते अष्ट्रेलियासँग दशरथ रंगशालामा खेल्नेछ। विश्वकप छनोटको ५ खेलमा १ मा मत्रा जित निकालेको नेपाल ३ अंकमा अंकतालिकाको चौथो स्थानमा छ।
प्रारम्भिक टोली
गोलरक्षकः विकेश कुथु, विशाल श्रेष्ठ, एलेन न्यौपाने,
डिफेन्डरः रजिन धिमाल, सुमन अर्याल, अमित तामाङ, सरोज दाहाल, अजित भण्डारी, छिरिङ गुरुङ, विकास खवास, अनन्त तामाङ, देबेन्द्र तामाङ, दिलेन लिक्तान,
मिडफिल्डरः विशाल राई बी, सेसेहाङ आङ्देम्बे, तेज तामाङ, बिक्रम लामा, सुवास गुरुङ, मिक्छेन तामाङ,पुजन उपरकोटी, एरिक विष्ट, सुजल श्रेष्ठ, रबि पासवान, सुनिल बल, अन्जन बिष्ट,
फरवार्डः जर्ज प्रिन्स कार्की, दर्शन गुरुङ, भरत खवास, नवयुग श्रेष्ठ, आशिष लामा, विमल राना
