रत्ननगर, कार्तिक १० । रत्ननगरमा वडा स्तरीय नकआउट फुटबल प्रतियोगिता शुक्रवारबाट शुरु भएको छ । रत्ननगर नगरपालिकाको आयोजनामा रत्ननगर-८ बाघमाराको खेल मैदानमा विजया दशमी, शुभ दिपावली- २०८० को पावन अवसरमा प्रतियोगिता सुरु भएको हो ।
फुटबल खेलाडी उत्पादन गर्ने उद्देश्यले आयोजना गरेको प्रतियोगितामा रत्ननगरका- १६ वटै वडाका टिमको सहभागिता रहेको छ ।
शुक्रवार भएको प्रतियोगिताको पहिलो खेल वडा नं. ११ र १६ बिच भएको थियो । दुबै टिमको खेल निर्धारित समयमा २-२ गोलको बराबरीमा सकिएपछि वडा नंं १६ लाई पेनाल्टी सुटआउटमा ३-२ गोल अन्तरले पराजित गर्दै वडा नं. ११ विजयी भएको हो ।
यस्तै दोस्रो खेल वडा नं. ८ र १० बिच भएको थियो । वडा नं. ८ लाई १-० गोलले पराजित गर्दै वडा नं. १० विजयी भयो ।
यही कार्तिक १८ गते सम्म सञ्चालन हुने प्रतियोगिताका विजेता टिमले नगद रु ५० हजार रुपैयाँ, शिल्ड, मेडल र प्रमाणपत्र प्राप्त गर्नेछन् भने उपविजेता टिमले नगद रु २५ हजार सहित शिल्ड मेडल, मेडल र प्रमाण पत्र प्रदान गरिने रत्ननगर वडा नं. ८ का वडा अध्यक्ष तथा खेलकुद विकास समितिका संयोजक कृष्ण चौधरीले जानकारी दिए ।
भोली (शनिवार) पहिलो खेल वडा नंं १ र वडा नं. ३ तथा दोस्रो खेल वडा नं. ४ र वडा नं. १२ बिच हुने चौधरीले बताए ।
उद्धघाटन खेलमा रत्ननगरका १६ वटै वडाका वडा अध्यक्ष र वडा सदस्यहरुको सहभागिता रहेको थियो ।
https://ujyaalonepalnews.com/archives/32630
