उज्यालो नेपाल, पुष ९- रत्ननगरमा पौडी खेल्ने क्रममा डुबेर एक बालकको ज्यान गएको छ । रत्ननगरको वडा नं. ९ ढिकुवा स्थित खगेरी खोलामा पौडी खेल्ने क्रममा कालिका नगरपालिका वडा नं. ११ स्थायी घर भएका जंगलाल चेपाङको छोरा बिकास चेपाङको डुबेर ज्यान गएको हो ।
आईतबार ११ बजेको समयमा पौडी खेल्न खोलामा पसेका चेपाङ पानीमा डुबेर बेपत्ता भएका थिए । उद्दारको लागी स्थानीयले खबर गरेपछि घटनास्थल पुगेको ईलाका प्रहरी कार्यालय रत्ननगरको टोलीले उनलाई मृत अवस्थामा फेला पारेको प्रदेश प्रहरी कार्यालय बागमतीले जानकारी दिएको छ ।
मृतकको शवलाई पोष्टमार्टमको लागी भरतपुर अस्पताल पठाईएको छ ।
