काठमाडौं – कम्युनिस्ट प्रधानमन्त्री केपी शर्मा ओलीको बचाउ गर्दै प्रेस सल्लाहकार सूर्य थापाले ट्विट गरेका छन् ।
बुधबार नेकपा सचिवालय बैठकमा भएका भनिएका संविधान संशोधनका विषयमा प्रधानमन्त्री ओलीलाई जोडेर आएको समाचारको सल्लाहकार थापाले खण्डन गरेका छन् ।
प्रेस सल्लाहकार सूर्य थापाले स्रोतको हवाला दिँदै आएका समाचारमा सत्यता नभएको दाबी गरेका छन् । पार्टी सचिवालय बैठकमा प्रधानमन्त्री ओलीले संविधान संशोधनको कुनै प्रस्ताव नराखेको थापाले दाबी गरेका छन् ।
थापाले ट्विटरमा लेखेका छन्, ‘राष्ट्रपतिलाई संकटकालीन अधिकार दिने र राष्ट्रिय सभामा सिट संख्या थप्ने’ जस्ता कुनै पनि प्रस्ताव राख्नु भएको छैन । यसप्रकारका समाचारमा कुनै सत्यता नभएको व्यहोरा जानकारी गराउन चाहन्छु ।’
पार्टी सचिवालय बैठकमा प्रधानमन्त्री एबं अध्यक्ष केपी शर्मा ओलीले “राष्ट्रपतिलाई संकटकालीन अधिकार दिने र राष्ट्रिय सभामा सिट संख्या थप्ने”जस्ता कुनै पनि प्रस्ताव राख्नु भएको छैन। आजकाे एक दैनिकमा छापिएकाे यसप्रकारकाे समाचारमा कुनै सत्यता नभएकाे
व्यहाेरा जानकारी गराउन चाहन्छु ।— Surya Thapa (@ThapajiSurya) February 26, 2020
पातारासी गाउँपालिकाको बजेट ४५ करोड : शिक्षा कृषि र सडक प्राथमिकतामा
