विप्लवका जिल्ला सेक्रेटरीले पार्टी छाडे

सिन्धुपाल्चोक।  भुमिगत नेत्रविक्रम चन्द विप्लवका सिन्धुपाल्चोक जिल्ला सेक्रटरी भुवन सिं तामाङले पार्टी छाडेको घोषणा गरेका छन् । जिल्ला अदालत सिन्धुपाल्चोकबाट रिहा भएपछि तामाङले अदालत परिसरमा नै विज्ञप्ति मार्फत पार्टी छाडेको घोषणा गरेका हुन् ।

मेलम्ची नगरपालिका–९ का तामाङले अब देखि कुनै पार्टीमा संलग्न नहुने भन्दै पार्टी परित्याग गरे । उनी २०७१ देखि विप्लव नेतृत्वको पार्टीमा लागेका थिए । पार्टीमा रहुञ्जेल विभिन्न जनवर्गिय संगठनमा रहेकाले अब आफू स्वतन्त्र भएको उनको भनाई छ । प्रहरीले तामाङलाई राज्य विरुद्धको कार्यमा लागेको आरोपमा प्रक्राउ गरेको थियो ।

यसअघि विप्लवमा जिल्ला सदस्य त्रिपाल तामाङ र न्यालम लामाले पार्टी परित्याग गरिसकेका छन् । प्रहरीले विप्लवका कार्यकर्ताहरु माथी निगरानी बढाएर पक्राउ गर्न थालेपछि धेरै कार्यकर्ताहरुले पार्टी परित्याग गरिसकेका छन् । जिल्ला सेक्रेटरी तामाङ नेकपामा प्रवेश गर्ने जानकारी दिएका छन् ।

The post विप्लवका जिल्ला सेक्रेटरीले पार्टी छाडे appeared first on Rajdhani Daily News.