काठमाडौँ- बढ्दो व्यापार घाटाका कारण सरकारले १० प्रकारका सामानहरु आयातमा रोक लगाएको छ ।
उद्योग वाणिज्य तथा आपूर्ति मन्त्रालयले आयात रोक लगाएको विवरण नेपाल राजपत्रमा प्रकाशित गरिएको छ ।
आगामी असार मसान्तसम्म कुरकुरे, कुरमुरे जस्ता जंक फुडहरु आयात गर्न पाइने छैन ।
यस्तै चुरोट तथा सुर्तीजन्य सामाग्री,हिरा, मोबाइल सेट,रंगीन टेलिभिजन, जीप, कार र भ्यानहरु पनि आयात गर्न बन्देज लगाइएको छ ।
२ सय ५० सीसी भन्दा माथिल्लो क्षमताका मोटरसाइकल, सबै प्रकारका खेलौनाहरु र तास आयातमा समेत रोक लगाइएको छ ।
तर वैशाख १३ गतेअघि बैंकिङ प्रक्रिया पूरा गरेकाहरुको हकमा भने यस्तो बन्देज लागु हुने छैन ।
चालु आर्थिक वर्षको ९ महिनामै १४ खर्ब रुपैयाँ भन्दा बढीको वस्तु तथा सेवा आयात भइसकेको छ ।
यस खालको बन्देजबाट आयात कम भई व्यापार घाटा कम हुने र घट्दो वैदेशिक मुद्रा संचितिमा सुधार हुने सरकारको अपेक्षा रहेको छ ।।
https://ujyaalonepalnews.com/archives/19406
