२० असोज, मकवानपुर । बारामा आज बिहान बस दुर्घटना हुँदा १४ जनाको मृत्यु भएको छ । हेटौंडा अस्पतालमा मात्रै १२ जनाको मृत्यु भएको छ । चुरेहिल अस्पताल र मकवानपुर सहकारी अस्पतालमा थप १–१ जनाको मृत्यु भएको जिल्ला प्रहरी कार्यालय मकवानपुरका इन्सपेक्टर बलराम श्रेष्ठले जानकारी दिए ।
उनका अनुसार मृत्यु हुनेमा ८ पुरुष र ६ महिला छन् । उनीहरुको सनाखत हुन बाँकी छ । इन्सपेक्टर श्रेष्ठका अनुसार दुर्घटनामा २४ जना घाइते भएका छन् । घाइतेहरुको चुरेहिल, हेटौंडा, सहकारी अस्पताल र सन्चो अस्पतालमा उपचार भइरहेको छ ।
नारायणगढबाट पथलैयातर्फ जाँदै गरेको ०६–००१ ख ०१० नम्बरको बस आज बिहान जितपुर सिमरा–२२ मा पर्ने तीन नम्बर पुल नजिक दुर्घटना भएको थियो । घाइतेहरुलाई उद्धार गरी मकवानपुर ल्याइएको थियो ।
यो पनि पढ्नुहोस्: देशभर बाढीको बितण्डा: दाङमा एक जनाको मृत्यु
दाङ । अविरल वर्षापछि आएकाे बाढीले बगाउँदा एकजनाको ज्यान गएको छ । तुलसीपुर उपमहानगरपालिका- १५ का ४८ वर्षीय मदन डाँगीलाई सोही ठाउँको त्रिवेणी खोलामा आएकाे बाढीले बगाउँदा मृत्यु भएको दाङ प्रहरी प्रमुख एसपी विरबहादुर वलीले जानकारी दिए । उनका अनुसार बुधबार राति १० बजे छोरा लिन ससुराली जानेक्रममा डाँगीलाई खोलाले बगाएको हो ।
त्यसैगरी तुलसीपुर-घोराही सडकखण्डमा पर्ने गुर्जेखोलामा आएको बाढीले बगाउँदा एकजना बेपत्ता भएका छन् । घोराही उपमहानगरपालिका- १० का ५४ वर्षीय कल्लु चौधरी बगेर बेपत्ता भएको एसपी वलीले जानकारी दिए । उनका अनुसार चौधरीलाई बिहिबार दिउँसो १२:२५ बजे खोलाले बगाएको छ । उनको उद्दारका लागि प्रहरी परिचान गरिएपनि अहिलेसम्म फेला परेका छैनन् ।
https://ujyaalonepalnews.com/archives/24556
