राष्ट्रिय पुरुष तथा महिला क्रिकेट खेलाडीलाई नेपाल क्रिकेट संघ (क्यान) ले विभिन्न ग्रेडमा छुट्टाउने भएको छ। क्यानको सोमबार बसेको बैठकको निर्णय अनुसार पुरुषतर्फ २४ खेलाडी क्यानको सेन्ट्रल कन्ट्र्याक्टमा रहने भएका छन्। जसमा ए प्लस, ए बी, सी ग्रेड हुने छन्।
महिलातर्फ १८ खेलाडीलाई ए, बी र सी ग्रेडमा छुट्टाइनेछ। बैठकले पुरुषतर्फ २४ र महिलातर्फ १८ जना खेलाडीको ग्रेड अनुसार सेन्ट्रल कन्ट्रयाक्टमा समावेश गर्न प्रस्तावना तयार गरि संघमा पेश गर्न कोषाध्यक्ष रोशन कुमार सिंहको संयोजकत्वमा केन्द्रीय सदस्य अमितविर पान्डे र दुर्गाराज पाठक रहेको समिति गठन समेत गरेको छ।
यस्तै बैठकले जनवरी १, २०२० देखी पुरुष खेलाडीलाई ओडीआई र टि ट्वान्टी आईको म्याच फि ५ हजार दिने निर्णय पनि गरेको छ। आगामी चैत्र तेस्रो सातादेखी काठमाडौंमा एक दिवसीय प्रतियोगिता आयोजना गर्ने निर्णय पनि क्यानले गरेको छ।
कोरोना जीवाणुको औषधि परीक्षण अमेरिकाको नेब्रास्कामा पनि शुरु
