निराजन घिमिरे, रत्ननगर- रत्ननगरका जनप्रतिनिधिले ईन्धन खर्च जोगाएर विकासनिर्माणमा लगाएका छन् । रत्ननगरको वडा नं. तिनका जनप्रतिनिधिले आफ्नो लागी छुट्याईएको इन्धन बापतको बजेट खर्च नगरी किसानको लागी खर्च गरेको वडाध्यक्ष तथा रत्ननगरको आर्थिक विकास समिति संयोजक सोहेन्द्रराज खरेलले जानकारी दिए ।
वडाले चालु आर्थिकवर्षको बजेटमा ईन्धन शिर्षकमा दुई लाख १६ हजार रुपियाँ विनियोजन गरेको थियो । सामान्यतया यो शिर्षकमा छुट्याईएको बजेट वडाबाट हुने विकासनिर्माणमा प्रयोग हुने उपकरणमा लाग्ने ईन्धन खरिद, जनप्रतिनिधि र वडामा कार्यरत कर्मचारीले ईन्धनको सुविधा लिंदै आएका छन् ।
तर वडाध्यक्ष खरेलले आफ्नो कार्यकालको सुरुवातमा वडाबाट ईन्धन सुविधा नलिने निर्णय गरेपछि अन्य जनप्रतिनिधिहरुले पनि उक्त सुविधा नलिने घोषणा गरेका थिए । यसरी बचत भएको रकम सिंचाईको लागी प्रयोगहुने कुलो र अन्य विकास निर्माणको काममा खर्च गरिएको वडाध्यक्ष खरेलले बताए ।
“आफ्नो सानो योगदानले पनि किसानहरुको ओठमा हाँसो छर्न सकिन्छ” भन्ने हेतुले पनि आफुहरुले ईन्धनको रकम कुलोमा खर्च गरेको वडासदस्य ईश्वर जमकट्टेलले बताए । सरसफाई गरिएको कुलोहरुबाट हाजिपुर क्षेत्रको झन्डै १७० हेक्टर जमिनमा सिंचाई सुविधा पुगिरहेको छ ।
https://www.ujyaalonepalnews.com/archives/28436
