काठमाडौं- इमर्जिङ टिम्स एसिया कपको लागि नेपाल क्रिकेट संघ क्यानले १६ सदस्यीय टिमको घोषणा गरेको छ । रोहित पौडेलको कप्तानीमा नेपाली टोलीको घोषणा भएको हो ।
एसिया कप १३ जुलाईदेखि श्रीलंकामा सुरु हुँदैछ । नेपालले एसीसी प्रिमियर कपको उपाधि विजेताको रुपमा इमर्जिङ कप खेल्न लागेको हो । प्रतियोगिताको उपविजेता युएई तथा तेस्रो भएको ओमान पनि इमर्जिङ कप खेल्दै छन् ।
इमर्जिङ कपको समूह बी मा नेपाल, युएई, पाकिस्तान ए र भारत ए छन् । त्यस्तै समूह ए मा श्रीलंका ए, बंगलादेश ए, अफगानिस्तान ए र ओमान छन् । हरेक समूहका शीर्ष दुई टोलीले सेमिफाइनलमा स्थानमा बनाउने छन् ।
नेपालले १४ जुलाईमा पाकिस्तान ए सँग खेल्नेछ । नेपालले दोस्रो खेल १७ जुलाई मा भारत ए सँग खेल्नेछ । नेपालले १९ जुलाईमा युएईसँग खेल्नेछ । २१ जुलाईमा प्रतियोगिताको सेमिफाइनल र २३ जुलाईमा फाइनल खेल हुनेछ ।
https://ujyaalonepalnews.com/archives/29019
