काठमाडौं– केपी शर्मा ओली दोस्रो पटक मुलुकको प्रधानमन्त्री बनेको आज २ बर्ष पुगेको छ। २०७४ फागुन ३ गते प्रधानमन्त्री बनेका ओलीले ठूला गफ चुटे। खुसी नेपाली, समृद्ध नेपालको नारा अघि सारे। तर, जनताको अवस्था उस्ताको उस्तै छ। न विकासले गति लिएको छ, न त समृद्धी अघि बढेको छ।
भएको छ त, केवल काण्डै काण्ड। एक पछि अर्को काण्डमा मुछिदै अघि बढेको सरकार पछिल्लो समय यति समुहसँग सति गएको छ। इतिहासकै बलियो र स्थिर भनिएको ओली नेतृत्वको सरकार अहिले चौतर्फी आलोचनाको केन्द्रमा छ। ओली नेतृत्वको सरकारले गरेका राम्रा कामहरू के हुन? भन्दा सम्झनै पर्छ। तर, विवादित काम भन्दा जो कोहीले फेरिहस्त प्रस्तुत गर्न सक्छ। यती प्रकरण, एमसीसी, तरकारीमा विषादी, होली वाइन, ललिता निवास, वाइडवडी, निर्मला पन्त काण्ड लगायतका थुप्रै काण्ड घटेका छन्। तर, प्रधानमन्त्री ओलीले गफ चुट्न भने छोडेका छैनन्।
प्रधानमन्त्री हुने वित्तिकै चिनियाँ चुच्चे रेल, पानी जहाज, घरघरमा ग्यासका पाइप, हावाबाट विजुली लगायतका गफ हाँकेका उनले २ बर्षमा उल्लेखनिय केही गर्न सकेका छैनन्। जसका कारण जनतामा निराशा बढेको छ।
ओलीको त्यो हुँकार
ओलीले प्रधानमन्त्री बनेपछि एपिवान टेलिभिजनलाई अन्तरवार्ता दिए। उनी निकै कन्फिडेन्सका साथ अन्तरवार्तामा प्रस्तुत भए। टिकाराम यात्रीका प्रश्न जति खरा थिए, त्यो भन्दा खरा जवाफ ओलीले फर्काएका थिए। एक हिसाबले भन्ने हो भने उनी २ बर्षमै मुलुक कायापलट गर्छु भन्ने हिसाबले प्रस्तुत भए। विकास र समृद्धीका हिसाबले मुलुकले ठूलै फड्को मार्छ भन्ने जिकिर थियो।
उनले भनेका थिए, ‘तपाईले मसँग अब २ बर्ष इन्टरभ्यू लिनु परेन। २ बर्ष पछि आजको रेकर्ड अघि राखेर इन्टरभ्यू लिनुस। २ बर्षमा विकास सम्बन्धी, विकासको अभियान सम्बन्धी आर्थिक समृद्धीको बारेमा एमाले सरकारले गरेका कामहरुको चित्त बुझेन भन्ने ठाँउ कतै भेट्नु हुन्न। भेट्नु भयो भने २ बर्षपछि चुनौतिका साथ म तपाईलाई भन्छु, यो रेकर्ड अघि राखेर खोजेर लिएर आउनुस।’
तर, उनको सरकार बनेको २ बर्ष बितेको छ। अब उनीसँग एपिवान टिभिमा यात्रीले नै अन्तरवार्ता लेलान नलेलान। तर, यो भिडियो क्लिप भने अहिले भाइरल भइरहेको छ। प्रधानमन्त्रीको शैली र उनले भनेका शब्दहरुले उनैलाई गिज्जाइरहेको छ। धेरैले भनिरहेका छन्, प्रधानमन्त्री ज्यू लज्जाशरणम !
नेपाल कोरोना भाइरसको अति उच्च जोखिममा: विश्व स्वास्थ्य संगठन
