रुकुम पश्चिम- रुकुम पश्चिमको चौरजहारीमा बाढीले बगाउँदा एकै घरका दुई बालबालिकाको मृत्यु भएको छ । आइतबार हावाहुरी सङ्गै परेको पानीका कारण स्थानीय न्याउला खोलामा आएको बाढीले बगाउँदा दुई बालबालिकाको मृत्यु भएको हो ।
मृत्यु हुनेमा चौरजहारी नगरपालिका वडानम्बर -६, घर्तीकाँडाका ८ वर्षीय मनोज बुढाथोकी र ४ वर्षीया भावना बुढाथोकी रहेका छन् । मृतक दुइ बालबालिका एकै घरका दाजु बहिनी हुन् ।
आधारभूत बिद्यालय घर्तीकाँडाबाट घर फर्किने क्रममा दाजु बहिनीलाई बाढीले बगाएर मृत्यु भएको प्रहरीको भनाइ छ ।
यसैबीच आइतबारको हावाहुरीले जिल्लाका अधिकांश किसानको मकै खेतीमा ठूलो क्षति गरेको छ । पाक्नै लागेको मकै बाली नष्ट हुँदा किसान चिन्तित बनेका छन् ।
https://ujyaalonepalnews.com/archives/31013
