खैरहनी । पूर्वी चितवनकाे खैरहनीका १६ अाै दराई राष्ट्रिय नकआउट फुटवल प्रतियाेगिता हुने भएकाे छ । रामकाेला हाम्राे क्लवकाे आयाेजनामा खैरहनी २ चैनपुर स्थित जनजीवन माविकाे खेल मैदानमा भाेली शनिवारबाट प्रतियाेगिता सुरु हुने क्लवका अध्यक्ष सुनिल दराइले जानकारी दिए ।
आयाेजक क्लवले शुक्रवार वडा कार्यालयमा पत्रकार सम्मेलनकाे आयाेजना गरि प्रतियाेगिता गर्नुकाे उद्देश्य र तयारीकाे बारेमा जानकारी गराएकाे हाे ।
प्रतियाेगितमा देशभरबाट १७ वटा टिमकाे सहभागिता रहने बताए । क्लव र दराई ईकाइ समितिकाे प्रतिनिधित्व गरेर टिमहरुले प्रतियाेगितामा सहभागिता जनाएका छन् ।
क्लब तथा इकाइ समितिले दराई समुदायकै खेलाडीहरु समावेश गराउनु पर्ने छ । प्रतियाेगितामा प्रथम हुने टिमले उपाधिसंगै एक लाख र दाेस्राे हुने टिमले ५० हजार पुरस्कार प्रदान गरिने प्रतियाेगिताका संयाेजक मदन दराईले जानकारी दिए ।
जिल्ला बाहिरबाट आउने खेलाडीकाे लागि खाना र आवासकाे समेत व्यवस्था गरिएकाे उनले जानकारी दिए । प्रतियाेगिता सम्पन्न गर्न मुल व्यवस्थापन समितिसंगै ६ वटा उपसमिती समेत बनाइएकाे छ ।
खेलकुदकाे माध्यमबाट जातीय पहिचान स्थापित गराउने उद्देश्यले फुटवल प्रतियाेगिता आयाेजना गरिएकाे क्लवका अध्यक्ष सुनिल दराईले बताए ।
वडाध्यक्ष राेहिणीप्रसाद उप्रेतीले प्रतियाेगिताले दराई समुदायकाे पहिचान स्थापितसंगै खैरहनीलाई राष्ट्रिय रुपमा परिचित गराउन सहयाेग गर्ने भएकाले स्थानीय सरकारले सहयाेग गर्ने बताए ।
https://ujyaalonepalnews.com/archives/31824
