नारायणगढ-मुग्लिन सडक थप तीन साता बन्द

0
95
नारायणगढ मुग्लिन सडकखण्डबाट गन्तव्यतर्फ जाँदै सवारीसाधन । फाइल तस्विर

भरतपुर, माघ १९ । नारायणगढ–मुग्लिन सडक खण्ड थप तीन साता दिउँसो बन्द हुने भएको छ।

सो सडक खण्डको तुईन खोलामा पुल बनाउन चट्टान फोड्ने काम नसकिएपछि पुनः तीन साता दिउँसो सडक बन्द गरेर काम गर्न लागिएको हो।

जिल्ला प्रशासन कार्यालय चितवनमा भएको जिल्ला सुरक्षा समितिको बैठकले थप तीन साता सडक बन्द गरेर काम गर्ने निर्णय गरेको नागढु्गा–मुग्लिन सडक आयोजना पश्चिम खण्ड–नारायणगढ–मुग्लिनका सूचना अधिकारी इञ्जिनियर कृष्ण आचार्यले जानकारी दिए ।

उनले अन्तिम पटकका लागि तीन साता सडक बन्द गरेर काम गर्न लागिएको बताए । सो सडकमा बनाइनुपर्ने १९ पुलमध्ये चारवटा चार वर्षअघि निर्माण गरिएका थिए भने बाँकी १५ पुल एकैसाथ ठेक्का लगाइएको थियो ।

विसं २०७६ चैत १० गतेदेखि पुल निर्माण थालिएको हो ।

Previous articleसौराहामा फिल्म फेस्टिबल सुरु; वडाध्यक्षले गरे उद्घाटन
Next articleभिजिट भिजा प्रकरण: अध्यागमनका ९ अधिकृतसहित २२ जनाविरुद्ध मुद्दा दायर