विभागीय एपीएफ क्लवले सुदूरपश्चिम खप्तड गोल्डकप फुटबल प्रतियोगितामा विजयी सुरुवात गरेको छ।
धनगढीको क्षेत्रीय रगंशालामा शनिबार भएको दोस्रो खेलमा न्युरोड टिम एनआरटीलाई २–१ गोल अन्तरले पराजित गर्दै एपीएफले क्वाटरफाइनलमा स्थान बनाएको हो।
खेलको सुरुवातमा दसिन गुरुङको गोलमा एनआरटीले अग्रता बनाए पनि जोगाउन सकेन। खेलको ६१ औं मिनेटमा एपीएफका सुदीप शिखाकारको फ्रिकिक क्रसमा रमेश दगांलले गोल गर्दै खेललाई बराबरीमा ल्याएका थिए।
आजको खेलको म्यान अफ दि म्याच समेत बनेका रमेशले १० हजार रुपैयाँ पाए।
६७ औं मिनेटमा विकु तामाङले रिवाउण्ड बललाई जाली चुमाएपछि एपीएफको जित निश्चित भएको थियो।
प्रतियोगितामा आइतबार नव जनजागृति क्लव सिमरा र मदनभण्डारी स्र्पोट्स क्लवबीच प्रतिस्पर्धा हुनेछ।
प्रतियोगिताको विजेताले २१ लाख १ रुपैयाँ तथा उपविजेताले १० लाख १ रुपैयाँ प्राप्त गर्नेछन्।
