उज्यालो दर्पण- पुर्वीचितवनको विभिन्न क्षेत्रमा भोलि मङ्सिर १ गते शनिबार विद्युत अवरुद्ध हुने भएको छ।
नेपाल विद्युत प्राधिकरण रत्ननगर वितरण शाखाका अनुसार सो वितरण केन्द्र अन्तर्गत रत्ननगर नगरपालिका-१३ जयमंगला घोल देखि जयमंगला चोक सम्म नयाँ ११ के.भी. फिडर निर्माण कार्य हुने भएकोले शनिबार विहान ०९:०० बजे देखि वेलुका ५:०० बजे सम्म टाँडी फिडर अन्तर्गतका विभिन्न क्षेत्रहरुमा विधुत सेवा अबरुद्ध रहने छ ।
सो समयमा टाँडी फिडर अन्तर्गत जयमंगला घोल, जयमंगला चोक देखि जिरौना हुँदै पदमपुर तथा आसपासका
क्षेत्रहरुमा विधुत अवरुद्ध हुने रत्ननगर वितरण शाखाले प्रकाशित गरेको सुचनामा जनाईएको छ ।
