संविधानको मर्मविपरित आएका विधेयक मान्दैनौं : सभापति देउवा

काठमाडौं, २१ फागुन । नेपाली कांग्रेसका सभापति शेरबहादुर देउवाले संविधानको मर्म र भावनाविपरीतका विधेयक मान्य नहुने बताएका छन् ।

नेपाल ट्रेड युनियन कांग्रेसको ७४औँ स्थापना दिवसका अवसरमा बुधबार काठमाडौंमा आयोजित कार्यक्रममा पूर्वप्रधानमन्त्री देउवाले सरकारले प्रजातान्त्रिक मूल्य र मान्यतामाथि हस्तक्षेप गरेको बताए ।

“बहुमतको आधारमा सरकारले मुलुकमा कम्युनिष्ट शासन लागू गर्न खोजेको छ, यसको विरुद्धमा काँग्रेस एकजुट हुन जरुरी छ”, उनले भने ।

संसद्मा प्रतिपक्षको भूमिका बलियो हुँदै गएको उनको भनाइ थियो ।

सभापति देउवाले पार्टीभित्रको झगडाका कारण कांग्रेस कमजोर हुँदै गएको बताउँदै पार्टीलाई बलियो बनाउन एकजुट हुनुपर्ने उल्लेख गरे ।

उनले चीनबाट फैलिएको कोरोना भाइरसबाट जोगिन सबै नेता तथा कार्यकर्तालाई आग्रह गरे ।

The post संविधानको मर्मविपरित आएका विधेयक मान्दैनौं : सभापति देउवा appeared first on Koshi Online.