नेपालगन्ज ।बाँकेको कोहलपुर क्षेत्रमा बितेका दुई दिनमा भएका छुट्टछुट्टै सडक दुर्घटनामा परेर दुईजनाले ज्यान गुमाएपछि स्थानीय आक्रोशित हुँदै यातायात ठप्प पारेका छन् ।
बिहीबार बिहान ८ बजे नगर बस र अटो कोहलपुर चौक नजिकै ट्राफिक प्रहरी कार्यालय अगाडि एकापसमा ठोक्किँदा एक जनाको मृत्यु हुनुको साथै तीन जना गम्भीर घाइते भएका छन् ।
भे १ ख २१२९ नम्बरको नगर बस र भे १ ह १६५३ नम्बरको अटो ठोक्किँदा बैजनाथ गाउँपालिका–२ बस्ने ४० वर्षिय अटो चालक जयबहादुर रोकाकोे उपचारको क्रममा ज्यान गएको इलाका प्रहरी कार्यालय कोहलपुरका प्रहरी नायव उपरीक्षक कुलदिप चन्दले जानकारी दिए ।
अटोमै सवार जुम्लाका २४ वर्षिय मदन शाही र बैजनाथ गाँउपालिका १ चिसापानीका २१ वर्षिय सुजन शाही र पहिचान खुल्न नसकेको अन्दाजी वर्ष २९–३० को पुरुष गम्भीर घाइते भएको प्रहरीले जनाएको छ । उनीहरुको अवस्था गम्भीर छ ।
घाइते सबैको नेपालगन्ज मेडिकल कलेज शिक्षण अस्पताल कोहपुरमा उपचार भई रहेको ईलाका प्रहरी कार्यालय कोहलपुरका ईन्चार्ज प्रहरी नायव उपरीक्षक चन्दले बताए ।
सो दुर्घटना ग्रस्तमा नगरबसमा सवार ११ जना यात्रु समेत घाइते भएको र उनीहरुको अवस्था सामान्य रहेको छ । नेपालगन्ज शिक्षण अस्पताल कोहलपुरमा उपचार भईरहेको प्रहरीले जनाएको छ ।
यसैबीच मृतक रोकाका आफन्त तथा परिवारजनले पीडिकलाई कारबाहीको माग गर्दै दिनभरी कोहलपुर चौकमा धर्ना दिए पनि आफुहरुको कुरा सुनवाई नभएको भन्दै रत्नराजमार्गको च्यामामा सडक अबरुद्ध गरेर धर्ना दिएका छन् । उनीहरुको धर्नाको कारण कोहलपुर–सुर्खेत सडकखण्ड आवागमन ठप्प छ ।
यसैगरी बुधबार टिप्परले साईकल यात्रीलाई ठक्कर दिएपछि कोहलपुर ९ को स्थानीय रामपति थारुको निधन भएको थियो ।
बुधबारको सहमति कार्यान्वयन नभएको भन्दै कोहलपुरको झण्डहवा चोकमा स्थानीय तथा मृतकका आफन्तले ठाउँठाउँमा टायर बालेर विरोध प्रदर्शन गरेका थिए ।
नेपाल एयरलाइन्सले वैशाख ९ गतेदेखि साउदी अरेबियाको रियाद उडान गर्दै
