एजेन्सी, ७ चैत्र । विश्वमा कोरोना भाइरस अर्थात कोभिड-१९ को संक्रमणबाट ज्यान गुमाउनेको संख्या १० हजार नाघेको छ । कोरोना सम्बन्धित तथ्याङ्क निकाल्ने संस्था वर्ल्डो मिटरर्स डट इन्फोका अनुसार यो समाचार तयार पारिसक्दासम्म कोरोना भाइरसबाट मृत्यु हुनेको संख्या १० हजार ३३ पुगेको छ ।
जागीरको खोजीमा हुनुहुन्छ ? यँहा क्लिक गर्नुहोस !!
अहिलेसम्म विश्वभर २ लाख ४४ हजार ९७३ कोरोनाबाट संक्रमित भएका छन् । सङ्क्रमण देखिएकामध्ये ८७ हजार ४०८ उपचारपछि घर फर्किएका छन् भने उपचार गराइरहेका ७ हजार ५१६ जनाको अवस्था गम्भीर छ ।
चीनमा भन्दा इटालीमा बढी मृत्यु
अहिले काेराेना भाइरसकाे कारण इटालीमा चीनमा भन्दा पनि बढीकाे मृत्यु भएकाे छ । वर्ल्डो मिटरर्स डट इन्फोका अनुसार अहिले इटालीमा काेराेना भाइरसकाे कारण ज्यान गुमाउनेकाे संख्या ३ हजार ४०५ पुगेकाे छ भने चीनमा ३ हजार २४५ रहेकाे छ ।
पछिल्लाे २४ घण्टामै इटालीमा ४२७ जनाकाे मृत्यु भएकाे छ भने ५ हजार ३२२ जना नयाँ संक्रमित भेटिएका छन् । पछिल्लो केही दिनयता इटालीमा प्रत्येक दिन कोरोना भाइरसबाट ४ सयभन्दा बढीको मृत्यु हुने गरेको छ । बुधबार पनि इटाली ४७५ को मृत्यु भएको थियाे भने ४ हजार २७० जना नयाँ संक्रमित भेटिएका थिए ।
चीनमा भने मृत्युदर निकै कम भएर गएको छ । बुधबार चीनमा ८ जनाकाे मात्रै मृत्यु भएकाे थियाे भने १३९ जना नयाँ सक्रमित भटिएका थिए ।
हालसम्म इटालीमा ४१ हजारभन्दा बढीलाई कोरोनाको संक्रमण भएको छ । तीमध्ये ४ हजार ४४० जना निको भएका छन् । ३३ हजार १९० जनामा कोरोना संक्रमित छन् । तीमध्ये २ हजार २५७ जनामा गम्भीर अवस्थामा रहेका छन् ।
काेरनाेकाे उद्गम स्थल चीनमा भने हालसम्म ८० हजार ९२८ संक्रमित भए पनि अहिले ७ हजार २२६ जना मात्रै कोरोना संक्रमित बाँकी छन् । ७० हजार ४२० जना भने पूर्ण रुपमा निको भइसकेका छन् ।
कोरोना भाइरसको बढी मृत्यु र संक्रमण भएको देशको तेस्रो नम्बरमा इरान र चौथो नम्बरमा स्पेन पर्छ । अहिलेसम्म इरानमा १ हजार २८४ मृत्यु भएको छ भने १८ हजार ४ सयभन्दा बढी संक्रमित भएका छन् । त्यस्तै स्पेनमा अहिलेसम्म ८३१ को मृत्यु भएको भने १८ हजारभन्दा बढी संक्रमित भएका छन् ।
चीनको वुहानबाट फैलिएको कोरोना भाइरस अहिले विश्वको १६५ भन्दा बढी देशमा फैलिएको छ ।
