समाजवादीमा गएका रत्ननगरका तिन जनप्रतिनिधी पुरानै घरमा फर्किए
निराजन घिमिरे, भदौ १८, चितवन- मूल पार्टी एमाले छोडेर समाजवादी तिर लागेका रत्ननगरका ३ जनप्रतिनिधि पुन: एमालेमै फर्किएका छन् । जिल्ला निर्वाचन कार्यालयमा पुगेर नवगठित नेकपा (एस) मा सनाखत गरेको एकदिन नबित्दै उनीहरु पुनः मूल पार्टीमै फर्किएका हुन् । नगर कार्यपालिका सदस्य कृष्णहरि परियार, रत्ननगर-८ कि वडा सदस्य कुमारी वि.क र वडा नं ३ की वडा सदस्य विमला परियार पुन: एमालेमै फर्किएका हुन् । आज एक प्रेस विज्ञप्ती जारी गर्दै उनीहरुले आफुहरु एमालेमै रहने जानकारी दिएका हुन् ।
उनिहरुले जिल्ला निर्बाचन कार्यालय पुगि आँफुहरु नेकपा (एमाले) मै रहने भन्दै हिजोको निवेदन फिर्ता गराउन आज निवेदन दर्ता गराएका छन । जनताले नेकपा (एमाले) को चुनाव चिन्ह सुर्यमा मतदान गरि बिजयी गराएकोले मतदाताको जनभावना अनुसार नै आफुहरुले दल परिबर्तन नगरेको समेत बताएका छन ।
यस अघि वडा नं. १५ का वडाध्यक्ष हुमनाथ लामिछाने, वडा नं. ९ का वडाध्यक्ष रोशन आचार्य र वडा नं १४ का वडाध्यक्ष हरिकुमार श्रेष्ठले एमाले त्यागेर समाजवादी तिर लागेका थिए । त्यस्तै त्यस्तै कार्यपालिका सदस्य राजेन्द्र हमाल, वडा नं १२ की वडासदस्य तथा कार्यपालिका सदस्य निर्मला खड्का, वडा नं १६ का वडा सदस्य नेत्र रायमाझी, वडा नं ८ का वडा सदस्यहरु नेत्र गिरी,वडा नं ९ की वडा सदस्य गायत्री विक,सोही वडाका वडा सदस्य मन बहादुर थापामगर,वडा नं १० का वडा सदस्य कमलबहादुर घिमिरे र वडा नं १५ का वडा सदस्य अनिल थिङ पनि एमाले छोडेर समाजवादीमा लागेका छन् ।
माधव नेपालको पक्षमा रहेका नेता कार्यकर्ता तथा जनप्रतिनिधिहरू एमालेमै रहने भएसँगै रत्ननगर क्षेत्रमा एकीकृत समाजवादी कमजोर बन्ने देखिएको छ । यता समाजवादीका स्थानीय नेता विजय खनालले भने २२ गते सम्ममा रत्ननगरका धेरै जनप्रतिनिधि नेकपा (एस) को पक्षमा उभिने दाबी गरे।
https://ujyaalonepalnews.com/archives/15704
