काठमाडौं । सरकारले खाडीलगायतका मुलुकहरुमा भिजिट भिसामा भ्रमण गर्न लगाएको रोक हटाएको छ । तर केही सर्तहरु भने राखेको छ । कोरोना महामारीको संक्रमण बढ्दो रहेको अवस्थामा खाडी राष्ट्र तथा मलेसिया जान यसअघि लगाइएको प्रतिबन्ध फुकुवा गरेको हो ।
सरकारले सरकारी कामको सिलसिलामा भ्रमण गर्ने प्रतिनिधिहरु, अन्तराष्ट्रिय कारोबार गर्ने बैंक तथा वित्तीय संस्थाका प्रतिनिधि एवम् अन्तर्राष्ट्रिय गैरसरकारी संस्थाका प्रतिनिधि, आयात-निर्यात गर्ने ववसायिक संस्थाका प्रतिनिधिहरु, खाडी मुलुकबाहेकका अन्य कम्तीमा २ राष्ट्रमा भ्रमण गरिसकेका व्यक्ति भने जान पाउनेछन् ।
त्यसैगरी न्यूनतम ६ लाख रुपैयाँ कर योग्य आय भइ कम्तीमा सोको आधा रकम बैंक खातामा बचत भएका र नेपालको कर प्रणालीमा आबद्ध भएका व्यक्तिहरु पनि जान पाउनेछन् ।
कस्ता व्यक्तिले जान पाउँछन्?
- सरकारी कामको सिलसिलामा विदेश भ्रमण गर्ने सरकारी निकायका प्रतिनिधिहरु ।
- अन्तराष्ट्रिय कारोबार गर्ने बैंक तथा वित्तिय संघ संस्थाका प्रतिनिधि एवं अन्तराष्ट्रिय गैरसरकारी संघ संस्थाका प्रतिनिधि भई भ्रमण गर्न जाने प्रतिनिधिहरु (संस्थागत कार्यका लागि मात्र) । नेपालमा सामान आयात-निर्यात गर्ने व्यावसायिक संस्थाका प्रतिनिधिहरु (आयात निर्यात सम्बन्धी कार्यका लागि मात्र) र व्यवसायिक कम्पनी/फर्मका सञ्चालक वा व्यवसायीहरु ।
- खाडी राष्ट्रहरु बाहेक कम्तिमा २ वटा अन्य मुलूक पर्यटकको रुपमा भ्रमण गरिसकेका
यात्रुहरु । - वार्षिक न्यूनतम ६ लाख रुपैया कर योग्य आय भै कम्तिमा सो को आधा रकम बैंक खातामा बचत भएका र नेपालको कर प्रणालीमा आवद्धता भएका व्यक्तिहरु ।
- औधोयोगिक तथा व्यवसायिक गतिविधिमा अन्तर्राष्ट्रिय सञ्जालमा आवद्ध विशिष्ट संस्थाको विशिष्ट कार्यका लागि जानुपर्ने संस्थासँग सम्बन्धित आधिकारिक प्रतिनिधिहरु ।
- वैदेशिक रोजगार व्यवसायको बजार प्रबर्दधनको लागि जाने म्यानपावर व्यवसायीहरु । (सञ्चालक वा आधिकारिक प्रतिनिधि मात्र) ।
- बिरामी कुरुवा वा बिरामीको रेखदेखको रुपमा जाने (३ पुस्ता भित्रका) पारिवारिक सदस्यहरु
(नेपाली दूताबासको सिफारिस पत्र परराष्ट्र मन्त्रालयमार्फत लेखी आउनु पर्ने)
https://ujyaalonepalnews.com/archives/17318
