उज्यालो नेपाल- घरेलु तथा साना उधोग कार्यालय चितवनको आयोजनामा ४५ दिने व्युटिपार्लर तालिम रत्ननगरमा सम्पन्न भएको छ । रत्ननगर १६ वडा कार्यालय संगको समन्वयमा वडाका १० जना महिलाहरुको लागी तालिम संचालन गरिएको हो । महिलाहरुलाई रोजगारी सिर्जना तथा ब्यवसायिक सिपबाट आत्मनिर्भर बनाउने उद्देश्यले घरेलु कार्यालय संगको सहकार्यमा तालिम संचालन गरिएको वडाध्यक्ष हेमराज थापाले जानकारी दिए ।
शनिबार वडा कार्यालयमा आयोजना गरिएको समापन कार्यक्रममा तालिमका सहभागीहरुलाई प्रमाणपत्र हस्तानान्तरण गरिएको छ । कार्यक्रमलाई सम्बोधन गर्दै घरेलु कार्यालयका प्रमुख तथा सभाध्यक्ष धिरेन्द्र प्रसाद पोखरेलले तालिममा सिकेको विषयलाई ब्यवहारमा उतारेर व्यवसायिक र स्वरोजगार बन्न आग्रह गरे ।
कार्यक्रमका अर्का अतिथि पिठुवा सामुदायिक सिकाई केन्द्रका अध्यक्ष नेत्रप्रसाद घिमिरेले पनि सहभागीहरुलाई सिकेको सिप प्रयोगमा ल्याएर आत्मनिर्भर बन्न आग्रह गरे ।
तालिमका सहभागीहरुलाई सिटीईभिटी बाट मान्यता प्राप्त ईन्टरनेशनल ब्युटी पार्लर एण्ड टेनिङ्ग सेन्टर टाँडीकी प्रोपाइटर ज्ञानु ढकालले एड्भान्स ब्युटिपार्लर सम्वन्धी तालिम दिएकी थिईन ।
https://ujyaalonepalnews.com/archives/27883
