काठमाडौं, ५ माघ । नेपाल कम्युनिस्ट पार्टी (नेकपा)ले अग्नि सापकोटालाई सभामुखको उम्मेदवार बनाउने निर्णय गरेको छ ।
सत्तारुढ दल नेकपाको आइतबार साझ बसेको सचिवालयको बैठकले सापकोटालाई सभामुख बनाउने निर्णय गरेको हो ।
तत्कालिन सभामुख कृष्णबहादुर महराले बलात्कार प्रयासको आरोप लागेपछि सभामुख पदबाट राजिनामा दिएका थिए । महराको राजिनामा पछि उपसभामुख डाक्टर शिवमाया तुम्बाहाम्फेले सभामुखमा दाबि प्रस्तुत गरिरहेकी थिइन् ।
करिब दुई महिनाको अन्योल पछि नेकपाले तत्कालिन माओवादी केन्द्रका नेता सापकोटालाई उम्मेद्वार बनाउने निर्णय गरेको हाे ।
आइतबार विहान प्रधानमन्त्री केपी शर्मा ओली र नेकपा अध्यक्ष पुष्पकमल दाहालबीच सापकोटालाई सभामुख बनाउने सहमति भएको थियो ।
The post सापकोटालाई सभामुख उम्मेद्वार बनाउने नेकपाको निर्णय appeared first on Koshi Online.
