रत्ननगर, चितवन – रत्ननगर नगरपालिका वडा नं. १६ को आयोजनामा श्रावण ३१ गते शनिबार बृहत् तिज गीत प्रतियोगिता कार्यक्रम हुने भएको छ। “सफा, सुन्दर र समृद्ध वडा, स्वस्थ जीवन आजको आवश्यकता” भन्ने मूल नाराका साथ कार्यक्रम सञ्चालन गरिने वडाले जानकारी दिएको छ।
वडा कार्यालय परिसरमा बिहान १०:०० बजेदेखि सुरु हुने प्रतियोगितामा वडाभित्रका सम्पूर्ण संघ संस्था, आमा समूह, टोल विकास संस्था लगायत विभिन्न समूहहरुलाई सहभागिताका लागि अनुरोध गरिएको छ।
कार्यक्रमलाई सफल बनाउन वडा अध्यक्ष हेमराज थापाले सबै वडाबासीलाई सक्रिय सहभागिता र सहयोग गर्न आग्रह गरेका छन्।
कार्यक्रम वडाभित्र सांस्कृतिक सहभागिता बढाउने, तिज पर्वको सांगीतिक पक्षलाई प्रवर्द्धन गर्ने र सामाजिक एकता बलियो बनाउने उद्देश्यले आयोजना गरिएको वडाध्यक्ष हेमराज थापाले जानकारी जानकारी दिएका छन्।
