दिलीप हत्याकाण्ड : धरौटीमा छुटेलगत्तै पुनः पक्राउ परे ३ अभियुक्त, किन?

0
26

धनुषाका पर्यावरण अभियन्ता दिलीप महतो हत्या अभियोगमा हिरासतमा रहेका तीन अभियुक्त धरौटी बुझाएर तारेखमा छुटेलगत्तै पुनः पक्राउ परेका छन्। 

धनुषा जिल्ला अदालतले २५र२५ हजार रुपैयाँ धरौटी लिएर साधारण तारेखमा रिहा गर्न आदेश दिएलगत्तै अभियुक्तहरु-  दिलीपका साथी रोशन यादव, क्रसर उद्योग सञ्चालकका सहयाेगी जितेन्द्र भनिने सत्यानारायण महतो र बृजमोहन भनिने शत्रुधन महतोलाई प्रहरीले पुन: पक्राउ गरेको हो। 

धनुषा जिल्ला प्रहरी कार्यालयका प्रहरी नायब उपरीक्षक रामेश्वर कार्कीका अनुसार उनीहरुलाई सार्वजनिक शान्ति सुरक्षाको कसुरअन्तर्गत पुनस् पक्राउ गरिएको हो। शुक्रबार जिल्ला प्रशासन कार्यालयमार्फत म्याद थप गरी थप अनुसन्धान अगाडि बढाइएको उनले बताए। 

धनुषाको मिथिला नगरपालिका ५ श्रीपुरका २४ वर्षीय ओमप्रकाश भनेर चिनिने दिलीप महतोलाई गत पुस २५ गते बिहान घरनजिकैको औरही खोलामा टिपरले किचेर मारिएको थियो।

उनको हत्या अभियोगमा पक्राउ परेका ६ जनामध्ये धनुषा जिल्ला अदालतले बुधबार चुरियामाई प्रशोधन क्रसर सञ्चालक सञ्चालक विपिन महतो, किच्ने टिपर चालक मुनिन्द्र महतो, लोडर चालक रञ्जित भनिने जितेन्द्र महतोलाई पुर्पक्षका लागि कारागार चलान गर्ने आदेश दिइसकेको छ।

जिल्ला अदालत धनुषाका न्यायाधीश केशवप्रसाद घिमिरेको इजलासले हत्यामा संलग्नताको आधार, प्रमाण देखिएकाले थुनछेक प्रयोजनका लागि कारागार चलान गर्न आदेश दिएको हो।

सोहीअनुसार तीनै जनालाई कारागार चलान गरिएको धनुषा जिल्ला प्रहरी कार्यालयले जनाएको छ।

तर माथि उल्लिखित तीन जनालाई जनही २५ हजार धरौटी लिएर साधारण तारेखमा रिहा गर्न अदालतले आदेश दिएको हो। 

हत्याकै आरोपमा पक्राउ परेका छिमेक साथी रोशनकुमार यादवका हकमा घटनालगत्तै खबर गरेको र रोशन-दिलीपबीच कुनै किसिमको वैमनश्य रहेको नदेखिएको, सत्यनारायण र शत्रुधनको समेत हत्यामा संलग्नता नदेखिएको भन्दै तारेखमा रिहा गर्न आदेश गरेको थियो।

आदेशअनुसार तीनै जनालाई रिहा गरी पुनः अर्को कसुरमा पक्राउ गरिएकाे हो।

अभियुक्तलाई रिहा गर्न आवश्यक कागजी प्रक्रियाको क्रममा अभियुक्तहरुले होहल्ला तथा शान्ति सुरक्षा भंग हुने कदम उठाएकोले पक्राउ गर्नु परेको धनुषाका प्रहरी नायव उपरिक्षक रामेश्वर कार्कीको भनाइ छ।

जिल्ला अदालतको आदेश उपर चित नबुझेको भन्दै धनुषा प्रहरीले सरकारी वकिलमार्फत उच्च अदालतमा पुनरावेदन गर्ने तयारी गरेको जनाएको छ।

गएको पुस २५ गते विहान घर नजिककैको औरही खोलामा भइरहेको अवैध उत्खनन रोक्न गएको बेला टिपरले किचेर धनुषाको मिथिला नगरपालिका ५ श्रीपुरका २४ वर्षीय युवक दिलीप महतोको हत्या भएको थियो।

हत्याको दुईदिन नबित्दै प्रहरीले चुरियामाई प्रसोधन उद्योगका संचालक विपीन महतो, टिपर चलाक मुनिन्द महतो, साथी रोशन महतो लगायत ४ जनालाई पक्राउ गरी सार्वजनिक गरेको थियो।

पछि पुनः त्यहि घटनाका २ जनालाई प्रहरीले पक्राउ गरी कारबाही प्रक्रिया अगाडी बढाएको थियो। मृतक दिलीपका परिवारले प्रहरीमा ७ जनामाथि किटानी जाहेरी दिएका छन्।

ठूला ब्रान्डको रोजाइमा स्टार खेलाडी

Previous articleविजयले ‘सुसाइड नोट’ नछोड्दा खुलेन सानेपा हत्याको रहस्य
Next articleकर्णाली राजमार्गमा रिफ्रेस सेन्टर निर्माण गरिने