बार सिंगरका रूपमा
अभिनेत्री रेखा
राजधानी समाचारदाता
काठमाडौं। अभिनेत्री रेखा
थापा गायिका
पनि हुन्
। उनी
एउटा चलचित्रमा
बार सिंगरका
रूपमा प्रस्तुत
भएकी छन्
। यही
३० फागुनबाट
रिलिज हुने
लचचित्र ‘नीरफूल’मा उनी
बार सिंगरका
रूपमा प्रस्तुत
भएकी हुन्
।
यो चलचित्रमा उनले
बार सिंगर
भएर रेस्टुरेन्टमा
‘तिमी बदनामी…’
गीत गाएकी
छन् ।
प्रणय दिवसको
अवसर पारेर
यो गीतको
भिडियो शुक्रबार
रिलिज गरिएको
हो ।
यो चलचित्रलाई
सञ्चारकर्मी फूलमान बलले निर्देशन
गरेका हुन् ।
तिमी बदनामी गीतमा
गायिका दुर्गा
खरेलको स्वर
रहेको छ
। यो
गीतको संगीत
अर्जुन पोखरेलले
गरेका हुन्
। यो
गीतलाई फूलमान
बलले रचना
गरेका हुन्,‘२०७२ वैशाखको
विनासकारी भूकम्पपछि गाउँबाट विस्थापित एक
तामाङ युवतीले
काम खोज्ने
क्रममा काठमाडौंको
रेस्टुरेन्टमा वेटरको काम गर्दा उनीमाथि
ग्राहकले दृष्टिकोणमा
यो गीत
आधारित छ
। यो
चलचित्रमा विशेष भूमिकामा रहेकी रेखा
सो रेस्टुरेन्टमा
बार सिंगर
हुन्छिन् ।’
ती कामदार
युवतीको पीडा
देखेर रेखाले
यो गीत
गाएको निर्देशक
बलले बताए
।
भूकम्पपछि गाउँबाट विस्थापित
भएपछि सहर
आएर डान्सबारमा
काम गरेकी
युवतीका रूपमा
अभिनेत्री शान्ति वाइबा छिन् ।
उनी सेलो
थिएटरकी अभिनेत्री
हुन्, ‘यो
गीतले चलचित्रको
कथाको एउटा
पाटो बोकेको
देखिन्छ ।
यो आईटम
गीतभन्दा फिल्मको
पात्रको संघर्ष
र उनीमाथि
हुने हिंसा
दर्साउने गीत
हो ।’
निर्देशक बलले
राजधानीसँग भने ।
प्रमोद कार्कीको छायांकन,
अर्जुन पोखरेल
र चन्द्रकुमार
दोङको संगीत
रहेको फिल्मको
सम्पादन निमेष
श्रेष्ठ र
वितरक गोविन्द
शाही र
मनोज राठी
रहेका छन्
। फिल्ममा
दयाहाङ राई,
रेखा थापा,
शान्ति वाइबा,
बुद्धि तामाङ,
पुष्कर गुरुङ,
जिम्मे छ्योइकी
घिसिङ, राजन
खतिवडा, सरोज
अर्याल, सरिता
गिरीलगायतले अभिनय गरेका छन् ।
यो चलचित्रलाई धादिङको
गणेश हिमाल
क्षेत्रमा पर्ने रुबी भ्याली र
काठमाडौं उपत्यकामा
छायांकन गरिएको
पनि निर्देशक
फूलमान बलले
जानकारी गराए
। फिल्मको
पटकथा सचिन
घिमिरे र
निर्देशक बल
स्वयंले लेखेका
हुन् भने
सचिन एसोसिएट
निर्देशकका रूपमा पनि छन् ।
नीरफूलको कार्यकारी निर्मातामा
दुबईकी सोनाम
डोमा, निर्मातामा
बेलायतबाट दीपक श्रेष्ठ, कतारबाट माया
केसी, इजरायलबाट
चन्द्रमाया तामाङ, जापानबाट उदय लामा,
अमेरिकाबाट रोज लामा, इन्द्र तामाङ,
कोरियाबाट दिनेश लम्तरी मगर र
नेपालबाट अजितमान
तामाङ, दिजेश
श्रेष्ठ, तेन्जिन
सोनाम लामा,
गणेश थापा,
अशोक थापा,
विके श्रेष्ठ
रहेका छन्
।
The post बार सिंगरका रूपमा अभिनेत्री रेखा appeared first on Rajdhani Daily News.
