शिवमायाको पून सिंहदरबार यात्रा र महराको रिहाई एकै दिन

0
30

विराटनगर, ५ फागुन् । नेकपा नेता कृष्णबहादुर महरा र शिवमाया तुम्बाहाङफेले संघिय संसदका निर्वमान सभामुख र उपसभामुख हुन् ।

जवरजस्ती करणी उद्योगको आरोप लागेपछि महराले सभामुख पदबाट राजिनामा दिए । महराको राजिनामा पछि तत्कालिन उपसभामुख शिवमाया तुम्बाहाङफेले पनि राजिनामा दिइन् ।

संसद् सचिवालयमा कार्यरत एक महिला कर्मचारीले बलात्कार प्रयासको आरोप लगाएपछि महराले असोज १४ गते सभामुख पदबाट राजीनामा दिएका थिए ।

राजिनामा पछि पक्राउ परेका महरा जिल्ला अदालत काठमाडौंबाट सफाई पाएपछि सोमबार रिहाई भए ।

महरा रिहाई भएकै दिन सोमबार पूर्व उपसभामुख शिवमाया तुम्बाहाङ्फेले कानुन मन्त्रालयको जिम्मेवारी सम्हालिन् ।

सोमबारको संयोग उपसभामुख तुम्बाहाङ्फेलाई मन्त्री पदको सपथग्रहण गर्दा महरा कारागारबाट छुटेका थिए । महरा कारागारबाट विदाई हुँदै गर्दा शिवमायाले पून सिंहदबारको यात्रा सुरु गरिन् ।

महराले राजिनामा दिएपछि तुम्बाहाङफेले सभामुख पदको दाबि गरिन् । एउटै पार्टीबाट सभामुख उपसभामुख बस्न नमिल्ने कानुनी प्रावधान छ । पार्टी एकिकरण अघि तत्कालिन माओवादीबाट महरा सभामुख र एमालेबाट तुम्बाहाङ्फे उपसभामुखमा निर्वाचित भएका थिए ।

महराले गरेको गल्तीको सजाय आफूले नभोग्ने भन्दै शिवमायाले सभामुख दाबी गर्दा संघिय संसद करिब तीन महिना सञ्चालन हुन सकेन् ।

नेकपा सचिवालयले अग्नी सापकोटालाई सभामुख बनाउने निर्णय गरेपछि उनले राजिनामा दिएकी थिइन् । उपसभामुखबाट राजिनामा गराउन नेकपा नेतृत्वले उनलाई मन्त्री बनाउने आश्वासन दिएको थियो । आश्वासन अनुसार समाजबादी पार्टी सरकारबाट बाहिरिएपछि उपेन्द्र यादवले नेतृत्व गरेको कानुन मन्त्रालयको जिम्मेवारी तुम्बाहाङफेले पाइन् ।

सोमबारको संयोग सँगै काम गरेका उपसभामुख सिंहदरबार प्रवेश गर्दा पूर्व सभामुख महरा चार महिनापछि घर फर्किए ।

The post शिवमायाको पून सिंहदरबार यात्रा र महराको रिहाई एकै दिन appeared first on Koshi Online.

‘स्कारपियो’ दुर्घटनामा दुई जनाको मृत्यु, चार घाइते

Previous articleदैलेखमा जीप दुर्घटना, ४ जना घाइते
Next articleदोश्रो इबीए कप अन्तरविद्यालय बास्केटबल प्रतियोगिता : अमृत र इबीए विजयी