काभ्रे- दसैँको शुभकामना आदान प्रदान तथा चियापान कार्यक्रम समापन गरी खानिखोला गाउँपालिकाबाट बनेपातर्फ फर्कँदै गरेको बा १४ च ७०७७ नम्वरको बोलेरो पल्टँदा एमाले नेताहरु घाइते भएका छन ।
बेथान्चोक गाउँपालिका वडा नम्वर १ गुवाभन्ज्याङ्ग नजिकै निगाले भन्ने स्थानको उकालोमा ब्रेक नलाग्दा ब्याक भएको गाडी भित्तामा ठोक्काएर पल्टाएको घाइते संविधान सभा सदस्य रामहरी सुवेदीले जानकारी दिनुभयो ।
गाडीमा एमाले नेताहरु पुर्व सांसद नविना लामा, एमाले बागमती प्रदेश कमिटी उप सचिव भक्तकुमारी लामा लगायतका नेताहरु थिए ।
घाइते संविधान सभा सदस्य रामहरी सुवेदीका अनुसार बोलेरोमा १७ जना थिए ।
७ जना घाइतेलाई तत्काल उद्धार गरी अस्पताल पठाइएको छ ।
स्थानीय र प्रहरी तथा जनप्रतिनिधिहरुले घाइतेहरुलाई अस्पताल पठाउन सहयोग गरेका थिए ।
घाइतेहरुलाई बनेपा र धुलिखेल ल्याइएको हाम्रा काभ्रे संवाददाता देवराज केसीले जनाएका छन ।।
https://ujyaalonepalnews.com/archives/32646
