सडेको अवस्थामा महिलाको शव फेला

सप्तरी, राजविराज । सप्तरीको रुपनी गाउँपालिका ६ स्थित जुवेला खोला नजिकै एक महिलाको शव फेला परेको छ ।

मंगलबार बिहान त्यस क्षेत्रमा दुगन्ध फैलिएपछि खोज्दै जाँदा स्थानियले महिलाको शव फेला पारेका हुन् ।

सो बारे तत्कालै प्रहरीलाई खबर गरेपछि प्रहरी निरिक्षक यमराज बन्जारेको नेतृत्वमा टोली पुगेर अनुसन्धान सुरु गरेको छ ।

सडेगलेको अवस्थामा फेला परेको ती महिलाको शवको सनाखत भने हुन सकेको छैन् । आसपासका बासिन्दाबाट पहिचानको प्रयास गरिएपनि सफलता मिलेको छैन्, डिएसपी तिलक भारतीले भने ।

आवश्यक कानुनी प्रक्रिया पुरा गरि शव पोष्टमार्टमका लागि मंगलबारै धरानस्थित विपी कोइलारा बिज्ञान प्रतिष्ठान पठाइएको र सो बारे आवश्यक अनुसन्धान भइरहेको जिल्ला प्रहरी कार्यालय सप्तरीले जनाएको छ ।

The post सडेको अवस्थामा महिलाको शव फेला appeared first on Rajdhani Daily News.