उज्यालो नेपाल – रत्ननगरको वडा नं १५ मा रहेको पिठुवा खानेपानी तथा सरसफाई उपभोक्ता संस्थाले खानेपानीको महसुलमा समायोजन गरेको छ।
संस्थाको नवनिर्वाचित कार्यसमितिले यसअघि कायम खानेपानीको मूल्य समायोजन गरेको हो।
संस्थाले खानेपानीको न्यूनतम महसुल ८० रुपियाँ बाट घटाएर ७० रुपियाँ कायम गरेको छ।
यसैगरी मिटर रिडिङ भएको एकहप्ता भित्र खानेपानीको महसुल बुझाउने ग्राहकलाई दिइँदै आएको ३ प्रतिशतको छुटलाई बढाएर ५ प्रतिशत छुट दिने निर्णय गरिएको छ।
सामुदायिक विद्यालयहरुलाई दिइँदै आएको ५० प्रतिशत छुटको व्यवस्थालाई परिवर्तन गरी ६० प्रतिशत पुर्याईएको छ।
त्यसैगरी मर्मतको लागि लिइँदै आएको बीस रुपियाँ महसुल समेत पूर्ण रुपमा हटाईएको संस्थाका अध्यक्ष हरिकुमार श्रेष्ठले जानकारी दिए। नयाँ मूल्य चैत १ गतेबाट लागू हुनेछ।
