मुगुमा पाँचौ पटक हिमपात, जनजीवन कष्टकर

मुग । माघमा पटकपटक हिमपातले आक्रान्त भएको मुगुमा फागुनमा पुन शुक्रबार बिहानैदेखि हिमपात हुँदा चिसोले जनजीवन कष्टकर बन्दै गएको छ ।

मुगुको सदरमुकाम गमगढीमा शुक्रबार बिहानैदेखि दिउसोसम्म हिउँ लगातार परेपनि जम्न सकेकोे छैन भने, जिल्लाको उच्च हिमाली क्षेत्रमा एक फीट हिउँ जमेको छ । साथै जिल्लाको माथिल्लो क्षेत्र मुगुम कार्मारोङ्ग गाउँपालिकाका वस्तीहरु दोल्फु, मुगु, ताखा, खारी, पुअ, रिउसलगायत छायानाथ क्षेत्रमा १ फिट भन्दा बढी हिउँ जमेको बताइएको छ ।

त्यस्तै गरेर सदरमुकाम गमगढीको छायानाथ रारा नगरपालिकाका बस्तीहरु श्रीनगर, कार्की वाडा, रोवा, पिना, ताल्च, तुममा पनि लगातार हिउँ परिरहँदा मानविय जनजीवनमा चिसोले कष्टकर बनेको छ । रारामा एक फिट भन्दा बढी हिउँ जमेको छ, साथै खत्याड गाउँका लमेरा कोटील्ला, कवा चाकपाडेमा पनि हिमपात भएको छ ।

हिमपातका कारण स्थानिय वासीलाई एक ठाउँ वाट अर्कोे स्थानमा आवत जावत गर्न कठिनाई भइरहेको छ । पशुचौपायालाई चरीचरन गर्न पनि कठिनाई भएको छ । स्थानियलाई एक स्थानबाट अर्को ठाउँ जान कठिनाईले स्थानियको दैनिकीलाई असर पारेको छ । साथै हिमपातले घर भन्दा बाहिर निस्कीन कठिन भएको कार्मारोङ्ग गाउँपालिका ६ नं वडा अध्यक्ष कार्माफुञ्चोक लामाले बताए ।

हिमपातले नाङ्गम सिजा गोठीजिउला खण्डको गमगढी सडक खुलेको एक हप्ता नपुग्दै पुनः अवरुद्ध हुँदा सुर्खेत, नेपालगञ्जबाट मुगु सदरमुकाम गमगढीतिर आउँदै गरेका मालवाहक गाडी घुच्ची लेकमा सडक अवरुद्धका कारण जुम्ला र मुगुको सिमानाको घुच्ची लेकमा गाडी थन्किएका छन् ।

मुगुका लागि नेपालगञ्जबाट गरिने सबै नियमित हवाई उडान पनि अवरुद्ध भएको नागरिक उड्यन कार्यलय नेपागञ्जका अनुसार सबै उडान हुन नसकेको बताइएको छ । पैदल यात्रीसहित घुच्ची लेक काट्न नसक्दा बाटोमै अलपत्र रहेका छन् । अर्को तिर किसानले छरेको गहुँ,जौ पनि रामो संग नउम्रिदा हिउदे वाली विग्रिएका कारण हिमपात पछि वाली सप्रिने भन्दै स्थानिय किसान भने खुसी भएका छन् ।

The post मुगुमा पाँचौ पटक हिमपात, जनजीवन कष्टकर appeared first on Rajdhani Daily News.