काठमाडौं । सत्तारूढ नेपाल कम्युनिष्ट पार्टी (नेकपा)ले राष्ट्रियसभा सदस्य पनि प्रधानमन्त्री बन्न मिल्ने गरी संविधान संशोधनको गृहकार्य गर्न कमिटी गठन गरेको छ ।
शनिबार बालुवाटारमा बसेको सचिवालय बैठकले सचिवालय सदस्य माधवकुमार नेपालको संयोजकत्वमा तीन सदस्यीय कमिटी गठन गरेको हो । उक्त कमिटीमा सुवासचन्द्र नेम्वाङ र खिमलाल देवकोटा सदस्य रहेका छन् ।
उपाध्यक्ष वामदेव गौतमले आफूलाई राष्ट्रियसभा सदस्य मनोनित गर्ने हो भने पहिले राष्ट्रिय सभा सदस्य पनि प्रतिनिधिसभा सदस्य जस्तै प्रधानमन्त्री बन्न पाउने गरी संविधान संशोधन गर्नुपर्ने माग राखेका थिए ।
गौतमकै माग सम्बोधन गर्न अध्यक्ष पुष्पकमल दाहाल प्रचण्डले संविधान संशोधन गर्न गृहकार्यका लागि कमिटी गठन गर्ने प्रस्ताव राखेका हुन् । अहिलेको संविधानमा राष्ट्रियसभा सदस्य प्रधानमन्त्री बन्न नपाउने व्यवस्था छ ।
प्रतिनिधी सभा निर्वाचनमा बर्दिया क्षेत्र नं १ बाट उम्मेदवार बनेका गौतम नेपाली कांग्रेसका सञ्जयकुमार गौतमसंग ७५८ मतले पराजित भएका थिए ।
निर्वाचनमा हार बेहेरेपछि गौतमलाई डोल्पावाट उम्मेदवार बनाउने योजना नेकपाले बनाएको थियो । डोल्पाली जनताले चासो नदेखाएपछि कास्की र काठमाडौंवाटै निर्वाचन मार्फत उनलाई उम्मेदवार बनाउने प्रयाश भएको थियो । काठमाडौका सांसद रामबीर मानन्धरले गौतमका लागि ठाउँ छोड्दै सांसद पदवाट पार्टीमा राजीनामा समेत दिएका थिए ।
The post बामदेव प्रधानमन्त्रीको सम्भावित उम्मेद्वार ! संविधान संसोधनका लागि कमिटी appeared first on Rajdhani Daily News.
विआरआईअन्तर्गतका परियोजना अगाडि बढाउन चिनियाँ विदेशमन्त्रीलाई एमालेको आग्रह
