पाँच फिटसम्म हिउँ जमेपछि डोल्पामा हिमपात रोक्न हिउँमै बसेर पूजा

0
18

उपल्लो डोल्पाको पुग्मो गाउँमा निरन्तर परिरहेको हिमपात रोक्न स्थानीयले हिउँमै बसेर लामा पूजा गरेका छन्।

 तीन दिनसम्म हिउँ पर्न नरोकिएपछि हिउँको थुप्रोमै बसेर लामा पूजा गरिएको शे–फोक्सुण्डो गाउँपालिका–९ पुग्मोका स्थानीय रिग्जिन बैजीले जानकारी दिए।

‘हिउँ पर्न रोकिएर घाम लागोस्’ भनेर पुग्मो गाउँका स्थानीयले सामूहिक पूजा सम्पन्न गरेको र केहीमात्रामा हिउँ पर्न रोकिएको उनले बताए। हिमपहिरो खस्दा अन्नबाली तथा जनधनको समेत क्षति हुने गर्दछ।

हिमपातका कारण उपल्लो डोल्पामा पाँच फिटसम्म हिउँ जमेको र घरबाहिर निष्कनसमेत कठिन भएको स्थानीयले जनाएका छन्।

महिलाहरुलाई चुनाव लड्न आर्थिक तगारो

Previous articleसामाजिक समस्याको प्रमुख कारण ऋणभार
Next articleसुक्खा बन्दरगाह निर्माणको आशा फेरि पलायो