विराटनगर, १९ फागुन । प्रधानमन्त्री केपी शर्मा ओलीलाई भारतीय प्रधानमन्त्री नरेन्द्र मोदीले स्वास्थ्यलाभको कामना गरेका छन् ।
मोदीले प्रधानमन्त्री केपी शर्मा ओलीको मिर्गौला प्रत्यारोपण सफल होस् भनी शुभकामना दिएका हुन् ।
मोदीले सोमबार बिहान ट्वीट गर्दै सफल शल्यक्रिया र शीघ्र स्वास्थ्य लाभको कामना गरेका हुन् ।
प्रधानमन्त्री मोदीले ट्वीटमा भगवान पशुपतिनाथले प्रधानमन्त्री ओलीको राम्रो स्वास्थ्य, खुसी र दीर्घजीवनको आशिर्वाद दिऊन् भनी उल्लेख गरेका छन् ।
प्रधानमन्त्री मोदीले नेपाल भारत सम्बन्धलाई अझ उचाइँमा पुर्याउन प्रधानमन्त्री ओलीको निरन्तर योगदान आफुले हेर्न चाहेको ट्वीटमा उल्लेख गरेका छन् ।
प्रधानमन्त्री ओलीको दोस्रो पटक पर्सी बुधबार मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरमा मिगौला प्रत्यारोपण गरिने र त्यसका लागि उनी आजै अस्पताल भर्ना हुने भएका छन् ।
यसअघि प्रधानमन्त्री ओलीको २०६४ सालमा भारतमा मिर्गौलाको प्रत्यारोपण गरिएको थियो ।
The post ओलीलाई मोदीको स्वास्थ्यलाभको कामना : ‘पशुपतिनाथको आशीर्वाद मिलोस्’ appeared first on Koshi Online.
