माइभ्याली पहिलो पटक सेमिफाईनलमा

इलाम । आयोजक माइभ्याली फुटवल क्लब इलाममा जारी माइभ्याली गोल्डककोको सेमिफाईनलमा प्रवेश गरेको छ । मंगलबार भएको अन्तिम क्वार्टर फाइनल खेलमा पाहुना टोली भारत कोलकत्ताको मोहम्मडन स्पोर्टिङ क्लब कोलकत्तालाई २–१ गोल अन्तरले पराजीत गर्दै माइभ्याली सेमिपलाईनलमा प्रवेश गरेको हो । माइभ्याली गोल्डकपमा आयोजक पहिलो पटक सेमीफाइनलमा पुगेको हो । सेमिफाईनलमा आयोजकसंगै मछिन्द्र क्लब, मानेभञ्ज्याङ फुटबल क्लब र भित्रुवन आर्मी क्लबले स्थान सुरक्षित गरेको छन् ।

आयोजकले खेलको चौथो मिनेटमा जुनियर ओनगुनेले गोल गर्दै टिमलाई अग्रता दिलाए । कोलकत्ताले पहिलो आफको अन्तिम मिनेटमा बराबरी गोल फर्काएको थियो । खेलको ४४ औ मिनेटमा केरिमेच बनार्डले फ्रिकिक मार्फत गोल गर्दै टिमलाई १–१ को अवस्थामा पु¥याए । गोल रक्षकले एसके सदिक उदिनले पेनाल्टी यरियामा पक्रेको बल लिएर पेनाल्टी एरिया बाहिर निस्किएपछि कोलकत्ताले फ्रिकिको अवसर पाएको थियो । सोही अवसर कोलकत्ताको लागि मध्यान्तरअघि गोल बरारबी गर्ने मौका बन्यो ।

खेलको अतिरित्त समयमा एन्ड्रेथेरि ब्याकले आयोजक माइभ्यालीको लागि निर्णयक गोल गरे । खेलको अतिरित्त समयमा कोलकत्ताको मोसेस ललरिन ज्वालले सरण बस्नेतलाई फाउल गरेपछि आयोजकले फिकिको मौका पाएको थियो । एन्ड्रेथेरि ब्याकले प्रहार गरेको फ्रिकिक गोलमा परिणत भएको थियो । निर्णयक गोल गरेका । एन्ड्रेथेरि ब्याक खेलको म्यान अफदि म्याच घोषित भए । उनले दश हजार रुपैयाँ नगद प्राप्त गरेका छन् ।

कोलकत्ताको तुलनामा आयोजकले बढि मौका निकालेको थियो । तर, आयोजकको फिनिसिङ लाईन कमजोर देखियो । जोर्डन जुनियर नेडेम्बाले गोल रक्षकसंग वन भर्सेस वानको अवस्थामा पनि गोल गर्न सकेनन् । मनिस थापाले पेनाल्टी क्षेत्रबाट गरेको प्राहारले सहि दिसा लिएन । विशाल तामाङ्गले पनि पाएको राम्रो मौका सदुपयोग गर्न नसकेपछि जितको लागि अतिरिक्त समयसम्म पर्खनु प¥यो ।

माइभ्याली गोल्डकपमा पहिलो पटक सहभागी कोलकत्ताका प्रशिक्षक मुरारी कारले क्लबको अर्को टिम आइलिगमा खेलिरहेकाले आफ्नो टिम कमजोर र प्रतिष्पर्धी टिम बलियो रहेकाले हार ब्यहोुर्न परेको प्रतिक्रिया दिए । माइभ्यालीका प्रशिक्षक दर्शन भक्तरालले कलेक्सन टिम भएको तालमेल राम्रो हुन नसकेकाले पाएको थुपै्र अवसर गुमेको बताए । बुधबार पहिलो सेमी फाइनल खेलमा मानेभञ्ज्याङ फुटबल क्लब दार्जीलिङले सहिद स्मारक ए डिभिजन लिगको बिजेता मछिन्द्रको सामना गर्नेछ । अन्तिम सेमीफाइनल खेलमा आयोजक माइभ्यालीले त्रिभुवन आर्मीसंग फाइनल यात्राको लागि प्रतिष्पर्धा गर्नेछ । २४ गते सम्पन्न हुने प्रतियोगीताको विजेताले आठ लाख रुपैयाँ र उपविजेताले पाँच लाख रुपैयाँ पाउनेछन् ।

The post माइभ्याली पहिलो पटक सेमिफाईनलमा appeared first on Rajdhani Daily News.