तत्कालीन लोकतान्त्रिकका ११ जना कांग्रेस केन्द्रीय सदस्यमा मनोनित

काठमाडौं, २३ फागुन । नेपाली कांग्रेसले तत्कालीन नेपाल लोकतान्त्रिक फोरमसँग गरेको सहमतिअनुसार लोकतान्त्रिक फोरमका ११ सदस्यलाई केन्द्रीय कार्यसमितिको सदस्य पदमा समायोजन गरेको छ ।

कांग्रेस केन्द्रीय कार्यसमितिको यसअघिको निर्णयअनुसार पार्टी सभापति शेरबहादुर देउवाले मनोनयन गर्नुभएको पार्टी कार्यालयका मुख्यसचिव कृष्णप्रसाद पौडेलले जानकारी दिए ।

पार्टीको केन्द्रीय सदस्यमा मनोनयन हुनेमा रामजनम चौधरी, नसिर सिद्धिकी, भारतेन्दुकुमार मल्लिक, हेमराज तातेड, गोपाल दहित, मङ्गलप्रसाद थारु , योगेन्द्र चौधरी, हरिप्रसाद न्यौपाने, सुमित्रा थरुनी, कल्पना चौधरी र मोरङका उद्योागी पवनकुमार सारडा छन् ।

तत्कालीन लोकतान्त्रिक फोरमलगायत अन्य राजनीतिक दलको साङ्गठनिक संरचना समायोजनका लागि कांग्रेसद्वारा यसअघि गठित समायोजन समितिको बैठकको निर्णयबाट उनीहरुको नाम सिफारिस गरिएको थियो ।

The post तत्कालीन लोकतान्त्रिकका ११ जना कांग्रेस केन्द्रीय सदस्यमा मनोनित appeared first on Koshi Online.