मोदी यसै वर्ष नेपाल आउने

विराटनगर, ७ माघ । भारतीय प्रधानमन्त्री नरेन्द्र मोदीले यसै वर्ष नेपाल भ्रमण गर्ने बताएका छन् । मंगलबार प्रधानमन्त्री केपी शर्मा ओलीसँग भिडियो कन्फरेन्समार्फत कुरा गर्दै प्रधानमन्त्री मोदीले यस्तो बताएका हुन् ।

सिंहदरबारस्थित प्रधानमन्त्री तथा मन्त्रिपरिषद्को कार्यालयबाट सम्बोधनका क्रममा प्रधानमन्त्री ओलीले मोदीलाई नेपाल भ्रमणका लागि निम्तो दिएका थिए । मोदीलाई नेपाल भ्रमणमा आउन पुनःनिमन्त्रणा दिँदै उनले आफूहरू स्वागत गर्न तत्पर रहेको ओलीले बताएका थिए ।

जवाफमा मोदीले आफू यसै वर्ष नेपाल भ्रमणमा आउने बताए । प्रधानमन्त्री मोदीले आफू यस वर्ष सन् २०२० मा पक्कै नेपाल आउने जनाउँदै भने, ‘यस वर्ष म नेपाल आउने कार्यक्रम मिलाउँछु । अवश्य पनि नेपाल र नेपालीको दर्शन गर्नेछु ।’

The post मोदी यसै वर्ष नेपाल आउने appeared first on Koshi Online.