भारतमा मोबाइल फोनको रिंगिङ टोनको सट्टा कोरोना भाइरसबाट बच्ने भ्वाइस टिप्स राख्न थालिएको छ।
बीएसएनएल, एमटीएनल, रिलायन्स जियो, एयरटेल र वोडाफोन आइडियाका १.२ अर्ब मोबाइल प्रयोगकर्ताको फोनमा रिंगिङ टोनको सट्टा टिप्स राखिएको हो।
अर्थात् फोन डायल गर्ने व्यक्तिले सो रेकर्डेड मेसेज सुन्ने गर्छ।
सो सन्देश खोकीबाट सुरु हुन्छ।
‘खोक्दा र हाँच्छ्युँ गर्दा सधैँ मुख छोप्ने गर्नुस्। साबुन पानीले नियमित हात धुनुस्,’ एक महिला आवाजले भनेको सुनिन्छ।
त्यस्तै, सन्देशमा हातले अनुहार नछुन, रुघाखोकी लागेको मानिसबाट कम्तीमा एक मिटर टाढा बस्न पनि सुझाइएको छ।
हिन्दी र अंग्रेजी दुवै भाषामा यस्तो सन्देश उपलब्ध छ।
हाल भारतमा ४३ जना कोरोनाबाट संक्रमित भएका छन्। एजेन्सी
