बाराको करैयामाई गाउँपालिका ५ का अच्छेलाल चौधरी पक्राउ परेका छन्।
जिल्ला अदालत बाराले लागु औषधको मुद्दामा २०७० साल माघ २० गते उनलाई २ वर्ष ३ महिना कैद र १० हजार रुपैयाँ जरिवानाको फैसला गरेको थियो।
अदालतको फैसलापछि फरार भएका चौधरीलाई सोमबार पक्राउ गरिएको बाराका प्रहरी नायव उपरीक्षक गौतम मिश्रले जानकारी दिए।
अच्छेलाललाई सोमबार नै जिल्ला अदालतमा पेश गरिएको र अदालतको आदेशपछि कैद भुक्तानको लागि कारागार कार्यालय बीरगंजमा पठाइएको प्रहरीले जनाएको छ।
